आई बहार शोरिश-तिफ़लाँ को क्या हुआ
अहल-ए-जुनूँ किधर गए याराँ को क्या हुआ
ग़ुंचे लहू में तर नज़र आते हैं तह-ब-तह
इस रश्क-ए-गुल को देख गुलिस्ताँ को क्या हुआ
याक़ूत-ए-लब तिरा हुआ क्यूँ ख़त से जुर्म-वार
ज़ालिम ये रश्क-ए-ल'अल-ए-बदख़्शाँ को क्या हुआ
उस जामा-ज़ेब ग़ुंचा-दहन को चमन में देख
हैराँ हूँ मैं कि गुल के गरेबाँ को क्या हुआ
आने से तेरे ख़त के ये क्यूँ दिल-ए-गिरफ़्ता है
बतला कि तेरी ज़ुल्फ़-ए-परेशाँ को क्या हुआ
क्यूँ गर्द बाद से ये उड़ाता है सर पे ख़ाक
हूँ मैं तो जा-ए-क़ैस बयाबाँ को क्या हुआ
रोते ही तेरे ग़म में गुज़रती है उस की उम्र
पूछा कभी न तू ने कि 'ताबाँ' को क्या हुआ
aa.ī bahār shorish-e-tiflāñ ko kyā huā
ahl-e-junūñ kidhar ga.e yārāñ ko kyā huā
ġhunche lahū meñ tar nazar aate haiñ tah-ba-tah
is rashk-e-gul ko dekh gulistāñ ko kyā huā
yāqūt-e-lab tirā huā kyuuñ ḳhat se jurm-vār
zālim ye rashk-e-la.al-e-badaḳhshāñ ko kyā huā
us jāma-zeb ġhuncha-dahan ko chaman meñ dekh
hairāñ huuñ maiñ ki gul ke garebāñ ko kyā huā
aane se tere ḳhat ke ye kyuuñ dil-e-girafta hai
batlā ki terī zulf-e-pareshāñ ko kyā huā
kyuuñ gard baad se ye uḌātā hai sar pe ḳhaak
huuñ maiñ to jā-e-qais bayābāñ ko kyā huā
rote hī tere ġham meñ guzartī hai us kī umr
pūchhā kabhī na tū ne ki 'tābāñ' ko kyā huā
آئی بہار شورش طفلاں کو کیا ہوا
اہل جنوں کدھر گئے یاراں کو کیا ہوا
غنچے لہو میں تر نظر آتے ہیں تہہ بہ تہہ
اس رشک گل کو دیکھ گلستاں کو کیا ہوا
یاقوت لب ترا ہوا کیوں خط سے جرم وار
ظالم یہ رشک لعل بدخشاں کو کیا ہوا
اس جامہ زیب غنچہ دہن کو چمن میں دیکھ
حیراں ہوں میں کہ گل کے گریباں کو کیا ہوا
آنے سے تیرے خط کے یہ کیوں دل گرفتہ ہے
بتلا کہ تیری زلف پریشاں کو کیا ہوا
کیوں گرد باد سے یہ اڑاتا ہے سر پہ خاک
ہوں میں تو جائے قیس بیاباں کو کیا ہوا
روتے ہی تیرے غم میں گزرتی ہے اس کی عمر
پوچھا کبھی نہ تو نے کہ تاباںؔ کو کیا ہوا