ऐसा कहाँ हुबाब कोई चश्म-ए-तर कि हम
लब ख़ुश्क ये मुहीत है कब इस क़दर कि हम
ऐसा नहीं ग़रीब कोई घर-ब-घर कि हम
ऐसा नहीं ख़राब कोई दर-ब-दर कि हम
मूदाम ही मुशब्बक-ए-मिज़्गान-ए-यार है
लेकिन न इस क़दर रहे ख़स्ता-जिगर कि हम
गो आज हम हैं बे-सर-ओ-पा देखिए कि कल
ये राह-ए-पुल-सिरात करे शैख़ सर कि हम
हम बहसते हैं चाक-ए-गरेबाँ पे तेरे साथ
और देखिए कि हम से रहे तू सहर कि हम
रोते अदम से आए थे रोते ही जाएँगे
ऐसा नहीं अज़ल से कोई नौहागर कि हम
दुनिया कि नेक ओ बद से मुझे कुछ ख़बर नहीं
इतना नहीं जहाँ मैं कोई बे-ख़बर कि हम
पूछा मैं उस से कौन है क़ातिल मिरा बता
कहने लगा पकड़ के वो तेग़ ओ सिपर कि हम
दीवाँ हमारा ग़ौर से 'ताबाँ' तू देख तो
रखता है कब मुहीत ये गंज-ए-गुहर कि हम
aisā kahāñ hubāb koī chashm-e-tar ki ham
lab ḳhushk ye muhīt hai kab is qadar ki ham
aisā nahīñ ġharīb koī ghar-ba-ghar ki ham
aisā nahīñ ḳharāb koī dar-ba-dar ki ham
mūdām hī mushabbak-e-mizhgān-e-yār hai
lekin na is qadar rahe ḳhasta-jigar ki ham
go aaj ham haiñ be-sar-o-pā dekhiye ki kal
ye rāh-e-pul-sirāt kare shaiḳh sar ki ham
ham bahste haiñ chāk-e-garebāñ pe tere saath
aur dekhiye ki ham se rahe tū sahar ki ham
rote adam se aa.e the rote hī jā.eñge
aisā nahīñ azal se koī nauhagar ki ham
duniyā ki nek o bad se mujhe kuchh ḳhabar nahīñ
itnā nahīñ jahāñ maiñ koī be-ḳhabar ki ham
pūchhā maiñ us se kaun hai qātil mirā batā
kahne lagā pakaḌ ke vo teġh o sipar ki ham
dīvāñ hamārā ġhaur se 'tābāñ' tū dekh to
rakhtā hai kab muhīt ye ganj-e-guhar ki ham
ایسا کہاں حباب کوئی چشم تر کہ ہم
لب خشک یہ محیط ہے کب اس قدر کہ ہم
ایسا نہیں غریب کوئی گھر بہ گھر کہ ہم
ایسا نہیں خراب کوئی در بدر کہ ہم
مدام ہی مشبک مژگان یار ہے
لیکن نہ اس قدر رہے خستہ جگر کہ ہم
گو آج ہم ہیں بے سر و پا دیکھیے کہ کل
یہ راہ پل صراط کرے شیخ سر کہ ہم
ہم بحثتے ہیں چاک گریباں پہ تیرے ساتھ
اور دیکھیے کہ ہم سے رہے تو سحر کہ ہم
روتے عدم سے آئے تھے روتے ہی جائیں گے
ایسا نہیں ازل سے کوئی نوحہ گر کہ ہم
دنیا کہ نیک و بد سے مجھے کچھ خبر نہیں
اتنا نہیں جہاں میں کوئی بے خبر کہ ہم
پوچھا میں اس سے کون ہے قاتل مرا بتا
کہنے لگا پکڑ کے وہ تیغ و سپر کہ ہم
دیواں ہمارا غور سے تاباںؔ تو دیکھ تو
رکھتا ہے کب محیط یہ گنج گہر کہ ہم