वो सोने चाँदी न शीशे के घर में रहता है
मगर हमारे दिल-ए-मो'तबर में रहता है
मैं इक फ़क़ीर हूँ ऐसा दर-ए-सख़ावत का
अमीर-ए-शहर भी मेरे असर में रहता है
नज़र मिलाते नहीं हम से चाँद और सूरज
किसी का नूर हमारी नज़र में रहता है
किसी को ठेस भी लगती है चीख़ उठते हैं
जहाँ का दर्द हमारे जिगर में रहता है
हमारे घर का ही किरदार कोई निकलेगा
जो आयतों के भी ज़ेर-ओ-ज़बर में रहता है
सरापा नूर का पैकर है जो वही ख़ुर्शीद
अब इंतिज़ार-ए-तुलूअ'-ए-सहर में रहता है
तुम्हारी जीत तकब्बुर का बे-यक़ीं पैसा
किसी ग़रीब के दस्त-ए-हुनर में रहता है
लबों पे जिस के ज़मानों की प्यास है रक़्साँ
अजीब शख़्स है पानी के घर में रहता है
सुना है मैं ने वहाँ मौत भी नहीं जाती
कोई इलाक़ा-ए-ख़ैरुल-बशर में रहता है
समुंदरों की जो बस्ती बहा के ले जाए
कि इतना पानी मिरी चश्म-ए-तर में रहता है
तुम्हीं बताओ वहाँ फिर सुकून क्यों न मिले
हमारा दिल दिल-ए-का'बा-बसर में रहता है
न जाने कब कहाँ शमशीर इसे बनाना पड़े
मिरा क़लम मिरे रख़्त-ए-सफ़र में रहता है
vo sone chāñdī na shīshe ke ghar meñ rahtā hai
magar hamāre dil-e-mo'tabar meñ rahtā hai
maiñ ik faqīr huuñ aisā dar-e-saḳhāvat kā
amīr-e-shahr bhī mere asar meñ rahtā hai
nazar milāte nahīñ ham se chāñd aur sūraj
kisī kā nuur hamārī nazar meñ rahtā hai
kisī ko Thes bhī lagtī hai chīḳh uThte haiñ
jahāñ kā dard hamāre jigar meñ rahtā hai
hamāre ghar kā hī kirdār koī niklegā
jo āyatoñ ke bhī zer-o-zabar meñ rahtā hai
sarāpā nuur kā paikar hai jo vahī ḳhurshīd
ab intizār-e-tulūa-e-sahar meñ rahtā hai
tumhārī jiit takabbur kā be-yaqīñ paisa
kisī ġharīb ke dast-e-hunar meñ rahtā hai
laboñ pe jis ke zamānoñ kī pyaas hai raqsāñ
ajiib shaḳhs hai paanī ke ghar meñ rahtā hai
sunā hai maiñ ne vahāñ maut bhī nahīñ jaatī
koī ilāqa-e-ḳhairul-bashar meñ rahtā hai
samundaroñ kī jo bastī bahā ke le jaa.e
ki itnā paanī mirī chashm-e-tar meñ rahtā hai
tumhīñ batāo vahāñ phir sukūn kyoñ na mile
hamārā dil dil-e-ka.aba-basar meñ rahtā hai
na jaane kab kahāñ shamshīr ise banānā paḌe
mirā qalam mire raḳht-e-safar meñ rahtā hai
وہ سونے چاندی نہ شیشے کے گھر میں رہتا ہے
مگر ہمارے دل معتبر میں رہتا ہے
میں اک فقیر ہوں ایسا در سخاوت کا
امیر شہر بھی میرے اثر میں رہتا ہے
نظر ملاتے نہیں ہم سے چاند اور سورج
کسی کا نور ہماری نظر میں رہتا ہے
کسی کو ٹھیس بھی لگتی ہے چیخ اٹھتے ہیں
جہاں کا درد ہمارے جگر میں رہتا ہے
ہمارے گھر کا ہی کردار کوئی نکلے گا
جو آیتوں کے بھی زیر و زبر میں رہتا ہے
سراپا نور کا پیکر ہے جو وہی خورشید
اب انتظار طلوع سحر میں رہتا ہے
تمہاری جیت تکبر کا بے یقیں پیسہ
کسی غریب کے دست ہنر میں رہتا ہے
لبوں پہ جس کے زمانوں کی پیاس ہے رقصاں
عجیب شخص ہے پانی کے گھر میں رہتا ہے
سنا ہے میں نے وہاں موت بھی نہیں جاتی
کوئی علاقۂ خیر البشر میں رہتا ہے
سمندروں کی جو بستی بہا کے لے جائے
کہ اتنا پانی مری چشم تر میں رہتا ہے
تمہیں بتاؤ وہاں پھر سکون کیوں نہ ملے
ہمارا دل دل کعبہ بسر میں رہتا ہے
نہ جانے کب کہاں شمشیر اسے بنانا پڑے
مرا قلم مرے رخت سفر میں رہتا ہے