जब ख़ंजर-ए-क़ातिल से न इंकार हुआ चुप
आख़िर मिरे हाथों का तलबगार हुआ चुप
शमशीर-ए-क़लम मौत के बाज़ार से गुज़रा
तारीख़ बताए कहाँ किरदार हुआ चुप
ये देख के मैदाँ में परेशाँ है सितमगर
मक़्तूल नहीं ख़ंजर-ए-खूँ-ख़्वार हुआ चुप
उस इश्क़-ए-हक़ीक़ी की दुआ माँगिये भाई
जो नोक-ए-सिनाँ पर न सर-ए-दार हुआ चुप
की मिम्बर-ए-लब से जो तबस्सुम में ख़िताबत
सज्दे में गिरे तीर कमाँ-दार हुआ चुप
आँखें न हुईं बंद कभी दस्त-ए-अजल से
ये बात अलग तालिब-ए-दीदार हुआ चुप
सय्याद को नींद आए ये मुमकिन ही कहाँ था
बेड़ी न कभी तौक़-ए-गिराँ-बार हुआ चुप
जब उस का सवाल आ गया तन्क़ीद की ज़द में
सकते में ग़ुरूर आ गया दरबार हुआ चुप
मालूम न थी उस को मिरे अश्कों की निस्बत
क़ीमत जो बताई तो ख़रीदार हुआ चुप
अश्कों से किया मातम-ए-मज़लूम सर-ए-आम
बे-नुत्क़ भी हो कर न अज़ादार हुआ चुप
jab ḳhanjar-e-qātil se na inkār huā chup
āḳhir mire hāthoñ kā talabgār huā chup
shamshīr-e-qalam maut ke bāzār se guzrā
tārīḳh batā.e kahāñ kirdār huā chup
ye dekh ke maidāñ meñ pareshāñ hai sitamgar
maqtūl nahīñ ḳhanjar-e-ḳhūñ-ḳhvār huā chup
us ishq-e-haqīqī kī duā māñgiye bhaa.ī
jo nok-e-sināñ par na sar-e-dār huā chup
kī mimbar-e-lab se jo tabassum meñ ḳhitābat
sajde meñ gire tiir kamāñ-dār huā chup
āñkheñ na huiiñ band kabhī dast-e-ajal se
ye baat alag tālib-e-dīdār huā chup
sayyād ko niiñd aa.e ye mumkin hī kahāñ thā
beḌī na kabhī tauq-e-girāñ-bār huā chup
jab us kā savāl aa gayā tanqīd kī zad meñ
sakte meñ ġhurūr aa gayā darbār huā chup
ma.alūm na thī us ko mire ashkoñ kī nisbat
qīmat jo batā.ī to ḳharīdār huā chup
ashkoñ se kiyā mātam-e-mazlūm sar-e-ām
be-nutq bhī ho kar na azādār huā chup
جب خنجر قاتل سے نہ انکار ہوا چپ
آخر مرے ہاتھوں کا طلب گار ہوا چپ
شمشیر قلم موت کے بازار سے گزرا
تاریخ بتائے کہاں کردار ہوا چپ
یہ دیکھ کے میداں میں پریشاں ہے ستم گر
مقتول نہیں خنجر خونخوار ہوا چپ
اس عشق حقیقی کی دعا مانگیے بھائی
جو نوک سناں پر نہ سر دار ہوا چپ
کی منبر لب سے جو تبسم میں خطابت
سجدے میں گرے تیر کماندار ہوا چپ
آنکھیں نہ ہوئیں بند کبھی دست اجل سے
یہ بات الگ طالب دیدار ہوا چپ
صیاد کو نیند آئے یہ ممکن ہی کہاں تھا
بیڑی نہ کبھی طوق گراں بار ہوا چپ
جب اس کا سوال آ گیا تنقید کی زد میں
سکتہ میں غرور آ گیا دربار ہوا چپ
معلوم نہ تھی اس کو مرے اشکوں کی نسبت
قیمت جو بتائی تو خریدار ہوا چپ
اشکوں سے کیا ماتم مظلوم سر عام
بے نطق بھی ہو کر نہ عزادار ہوا چپ