वो जो एक चेहरा दमक रहा है जमाल से
उसे मिल रही है ख़ुशी किसी के ख़याल से
मैं ने सिर्फ़ एक ही दाएरे में सफ़र किया
कभी बे-नियाज़ भी कर मुझे मह-ओ-साल से
कभी हँस के ख़ुद ही गले से उस को लगा लिया
कभी रो दिए हैं लिपट के ख़ुद ही मलाल से
तुझे क्या ख़बर कि वो कौन है सर-ए-रहगुज़र
कभी सरसरी न गुज़र किसी के सवाल से
वो जो मुस्कुरा के गुज़र रहा है क़रीब से
उसे आश्नाई ज़रूर है मेरे हाल से
मुझे आसरा भी नहीं किसी की दुआओं का
मुझे ख़ौफ़ आता है यूँ भी वक़्त-ए-ज़वाल से
'यशब' अपने आप से मिल के कितना भला लगा
मुझे फ़ुर्सतें ही नहीं मिलीं कई साल से
vo jo ek chehra damak rahā hai jamāl se
use mil rahī hai ḳhushī kisī ke ḳhayāl se
maiñ ne sirf ek hī dā.ere meñ safar kiyā
kabhī be-niyāz bhī kar mujhe mah-o-sāl se
kabhī hañs ke ḳhud hī gale se us ko lagā liyā
kabhī ro diye haiñ lipaT ke ḳhud hī malāl se
tujhe kyā ḳhabar ki vo kaun hai sar-e-rahguzar
kabhī sarsarī na guzar kisī ke savāl se
vo jo muskurā ke guzar rahā hai qarīb se
use āshnā.ī zarūr hai mere haal se
mujhe aasrā bhī nahīñ kisī kī duāoñ kā
mujhe ḳhauf aatā hai yuuñ bhī vaqt-e-zavāl se
'yashab' apne aap se mil ke kitnā bhalā lagā
mujhe fursateñ hī nahīñ milīñ ka.ī saal se
وہ جو ایک چہرہ دمک رہا ہے جمال سے
اسے مل رہی ہے خوشی کسی کے خیال سے
میں نے صرف ایک ہی دائرے میں سفر کیا
کبھی بے نیاز بھی کر مجھے مہ و سال سے
کبھی ہنس کے خود ہی گلے سے اس کو لگا لیا
کبھی رو دیے ہیں لپٹ کے خود ہی ملال سے
تجھے کیا خبر کہ وہ کون ہے سر رہ گزر
کبھی سرسری نہ گزر کسی کے سوال سے
وہ جو مسکرا کے گزر رہا ہے قریب سے
اسے آشنائی ضرور ہے میرے حال سے
مجھے آسرا بھی نہیں کسی کی دعاؤں کا
مجھے خوف آتا ہے یوں بھی وقت زوال سے
یشبؔ اپنے آپ سے مل کے کتنا بھلا لگا
مجھے فرصتیں ہی نہیں ملیں کئی سال سے