वो हुस्न हुस्न-ए-बदन कब किसी को देखता है
ख़ुद अपने मा'नी-ओ-मफ़्हूम ही को देखता है
गुज़र रही है इन आँखों के सामने से बहार
ठहर ठहर के ये दिल उस गली को देखता है
ये दिल कि अस्ल में बे-दीद ही की रू से है
पुकारता है किसी को किसी को देखता है
नहीं खुलेगा किसी तरह हुस्न-ए-आराइश
तू किस लिहाज़ से इस सादगी को देखता है
'अबस है पाँव की ज़ंजीर देखना हर सुब्ह
जुनूँ-शि’आर कहाँ बे-कसी को देखता है
वो टूटते हुए एहसास छूटते हुए लोग
तू दूर होती हुई ज़िंदगी को देखता है
निहाँ था सब से वो इक फूल जो कि ज़ख़्म बना
'अयाँ हुआ तो ज़माना उसी को देखता है
वो पेशतर किसी ना-दीद की तलाश में था
पनाह के लिए अब शा'इरी को देखता है
vo husn husn-e-badan kab kisī ko dekhtā hai
ḳhud apne mā’nī-o-mafhūm hī ko dekhtā hai
guzar rahī hai in āñkhoñ ke sāmne se bahār
Thahar Thahar ke ye dil us galī ko dekhtā hai
ye dil ki asl meñ be-dīd hī kī rū se hai
pukārtā hai kisī ko kisī ko dekhtā hai
nahīñ khulegā kisī tarh husn-e-ārā.ish
tū kis lihāz se is sādgī ko dekhtā hai
'abas hai paañv kī zanjīr dekhnā har sub.h
junūñ-shi’ār kahāñ be-kasī ko dekhtā hai
vo TūTte hue ehsās chhūTte hue log
tū duur hotī huī zindagī ko dekhtā hai
nihāñ thā sab se vo ik phuul jo ki zaḳhm banā
'ayāñ huā to zamāna usī ko dekhtā hai
vo peshtar kisī nā-dīd kī talāsh meñ thā
panāh ke liye ab shā'irī ko dekhtā hai
وہ حسن حسن بدن کب کسی کو دیکھتا ہے
خود اپنے معنی و مفہوم ہی کو دیکھتا ہے
گزر رہی ہے ان آنکھوں کے سامنے سے بہار
ٹھہر ٹھہر کے یہ دل اس گلی کو دیکھتا ہے
یہ دل کہ اصل میں بے دید ہی کی رو سے ہے
پکارتا ہے کسی کو کسی کو دیکھتا ہے
نہیں کھلے گا کسی طرح حسن آرائش
تو کس لحاظ سے اس سادگی کو دیکھتا ہے
عبث ہے پاؤں کی زنجیر دیکھنا ہر صبح
جنوں شعار کہاں بے کسی کو دیکھتا ہے
وہ ٹوٹتے ہوئے احساس چھوٹتے ہوئے لوگ
تو دور ہوتی ہوئی زندگی کو دیکھتا ہے
نہاں تھا سب سے وہ اک پھول جو کہ زخم بنا
عیاں ہوا تو زمانہ اسی کو دیکھتا ہے
وہ پیشتر کسی نادید کی تلاش میں تھا
پناہ کے لیے اب شاعری کو دیکھتا ہے