एक ही वक़्त में इक जैसी तन-आसानी में
हम बग़ल-गीर हुए भी तो परेशानी में
काकुल-अफ़्शानी तहय्युर का सबब है तेरी
बाग़ का बाग़ भी है नश्शा-ए-हैरानी में
इक अलग वज़' में रहने का सलीक़ा है हमें
लोग तो जाँ से चले जाते हैं वीरानी में
उस की तस्वीर उठा लेता हूँ जाते जाते
कुछ तो सामान हो इस बे-सर-ओ-सामानी में
कैफ़ मत पूछिए यूँ हम से ज़बूँ-हाली का
मौज ही मौज है इस चाक-गरेबानी में
इर्तिक़ा है कि ब-तदरीज पिए जाता हूँ
सिर्फ़ नश्शा ही नहीं होता फ़रावानी में
और ही हुस्न-ए-निहायत को पहुँच जाता हूँ
तुम ने देखा ही नहीं मुझ को परेशानी में
ek hī vaqt meñ ik jaisī tan-āsānī meñ
ham baġhal-gīr hue bhī to pareshānī meñ
kākul-afshānī tahayyur kā sabab hai terī
baaġh kā baaġh bhī hai nashsha-e-hairānī meñ
ik alag vaz' meñ rahne kā salīqa hai hameñ
log to jaañ se chale jaate haiñ vīrānī meñ
us kī tasvīr uThā letā huuñ jaate jaate
kuchh to sāmān ho is be-sar-o-sāmānī meñ
kaif mat pūchhiye yuuñ ham se zabūñ-hālī kā
mauj hī mauj hai is chāk-garebānī meñ
irtiqā hai ki ba-tadrīj piye jaatā huuñ
sirf nashsha hī nahīñ hotā farāvānī meñ
aur hī husn-e-nihāyat ko pahuñch jaatā huuñ
tum ne dekhā hī nahīñ mujh ko pareshānī meñ
ایک ہی وقت میں اک جیسی تن آسانی میں
ہم بغل گیر ہوئے بھی تو پریشانی میں
کاکل افشانی تحیر کا سبب ہے تیری
باغ کا باغ بھی ہے نشۂ حیرانی میں
اک الگ وضع میں رہنے کا سلیقہ ہے ہمیں
لوگ تو جاں سے چلے جاتے ہیں ویرانی میں
اس کی تصویر اٹھا لیتا ہوں جاتے جاتے
کچھ تو سامان ہو اس بے سر و سامانی میں
کیف مت پوچھیے یوں ہم سے زبوں حالی کا
موج ہی موج ہے اس چاک گریبانی میں
ارتقا ہے کہ بتدریج پیے جاتا ہوں
صرف نشہ ہی نہیں ہوتا فراوانی میں
اور ہی حسن نہایت کو پہنچ جاتا ہوں
تم نے دیکھا ہی نہیں مجھ کو پریشانی میں