वहीं हैं दिल के क़राइन तमाम कहते हैं
वो इक ख़लिश कि जिसे तेरा नाम कहते हैं
तुम आ रहे हो कि बजती हैं मेरी ज़ंजीरें
न जाने क्या मिरे दीवार-ओ-बाम कहते हैं
यही कनार-ए-फ़लक का सियह-तरीं गोशा
यही है मतला-ए-माह-ए-तमाम कहते हैं
पियो कि मुफ़्त लगा दी है ख़ून-ए-दिल की कशीद
गिराँ है अब के मय-ए-लाला-फ़ाम कहते हैं
फ़क़ीह-ए-शहर से मय का जवाज़ क्या पूछें
कि चाँदनी को भी हज़रत हराम कहते हैं
नवा-ए-मुर्ग़ को कहते हैं अब ज़ियान-ए-चमन
खिले न फूल इसे इंतिज़ाम कहते हैं
कहो तो हम भी चलें 'फ़ैज़' अब नहीं सर-ए-दार
वो फ़र्क़-ए-मर्तबा-ए-ख़ास-ओ-आम कहते हैं
vahīñ haiñ dil ke qarā.in tamām kahte haiñ
vo ik ḳhalish ki jise terā naam kahte haiñ
tum aa rahe ho ki bajtī haiñ merī zanjīreñ
na jaane kyā mire dīvār-o-bām kahte haiñ
yahī kanār-e-falak kā siyah-tarīñ gosha
yahī hai matla-e-māh-e-tamām kahte haiñ
piyo ki muft lagā dī hai ḳhūn-e-dil kī kashīd
girāñ hai ab ke mai-e-lāla-fām kahte haiñ
faqīh-e-shahr se mai kā javāz kyā pūchheñ
ki chāñdnī ko bhī hazrat harām kahte haiñ
navā-e-murġh ko kahte haiñ ab ziyān-e-chaman
khile na phuul ise intizām kahte haiñ
kaho to ham bhī chaleñ 'faiz' ab nahīñ sar-e-dār
vo farq-e-martaba-e-ḳhās-o-ām kahte haiñ
وہیں ہیں دل کے قرائن تمام کہتے ہیں
وہ اک خلش کہ جسے تیرا نام کہتے ہیں
تم آ رہے ہو کہ بجتی ہیں میری زنجیریں
نہ جانے کیا مرے دیوار و بام کہتے ہیں
یہی کنار فلک کا سیہ تریں گوشہ
یہی ہے مطلع ماہ تمام کہتے ہیں
پیو کہ مفت لگا دی ہے خون دل کی کشید
گراں ہے اب کے مئے لالہ فام کہتے ہیں
فقیہ شہر سے مے کا جواز کیا پوچھیں
کہ چاندنی کو بھی حضرت حرام کہتے ہیں
نوائے مرغ کو کہتے ہیں اب زیان چمن
کھلے نہ پھول اسے انتظام کہتے ہیں
کہو تو ہم بھی چلیں فیضؔ اب نہیں سر دار
وہ فرق مرتبۂ خاص و عام کہتے ہیں