अब वही हर्फ़-ए-जुनूँ सब की ज़बाँ ठहरी है
जो भी चल निकली है वो बात कहाँ ठहरी है
आज तक शैख़ के इकराम में जो शय थी हराम
अब वही दुश्मन-ए-दीं राहत-ए-जाँ ठहरी है
है ख़बर गर्म कि फिरता है गुरेज़ाँ नासेह
गुफ़्तुगू आज सर-ए-कू-ए-बुताँ ठहरी है
है वही आरिज़-ए-लैला वही शीरीं का दहन
निगह-ए-शौक़ घड़ी भर को जहाँ ठहरी है
वस्ल की शब थी तो किस दर्जा सुबुक गुज़री थी
हिज्र की शब है तो क्या सख़्त गिराँ ठहरी है
बिखरी इक बार तो हाथ आई है कब मौज-ए-शमीम
दिल से निकली है तो कब लब पे फ़ुग़ाँ ठहरी है
दस्त-ए-सय्याद भी आजिज़ है कफ़-ए-गुल-चीं भी
बू-ए-गुल ठहरी न बुलबुल की ज़बाँ ठहरी है
आते आते यूँही दम भर को रुकी होगी बहार
जाते जाते यूँही पल भर को ख़िज़ाँ ठहरी है
हम ने जो तर्ज़-ए-फ़ुग़ाँ की है क़फ़स में ईजाद
'फ़ैज़' गुलशन में वही तर्ज़-ए-बयाँ ठहरी है
ab vahī harf-e-junūñ sab kī zabāñ Thahrī hai
jo bhī chal niklī hai vo baat kahāñ Thahrī hai
aaj tak shaiḳh ke ikrām meñ jo shai thī harām
ab vahī dushman-e-dīñ rāhat-e-jāñ Thahrī hai
hai ḳhabar garm ki phirtā hai gurezāñ nāseh
guftugū aaj sar-e-kū-e-butāñ Thahrī hai
hai vahī āriz-e-lailā vahī shīrīñ kā dahan
nigah-e-shauq ghaḌī bhar ko jahāñ Thahrī hai
vasl kī shab thī to kis darja subuk guzrī thī
hijr kī shab hai to kyā saḳht girāñ Thahrī hai
bikhrī ik baar to haath aa.ī hai kab mauj-e-shamīm
dil se niklī hai to kab lab pe fuġhāñ Thahrī hai
dast-e-sayyād bhī aajiz hai kaf-e-gul-chīñ bhī
bū-e-gul Thahrī na bulbul kī zabāñ Thahrī hai
aate aate yūñhī dam bhar ko rukī hogī bahār
jaate jaate yūñhī pal bhar ko ḳhizāñ Thahrī hai
ham ne jo tarz-e-fuġhāñ kī hai qafas meñ ījād
'faiz' gulshan meñ vahī tarz-e-bayāñ Thahrī hai
اب وہی حرف جنوں سب کی زباں ٹھہری ہے
جو بھی چل نکلی ہے وہ بات کہاں ٹھہری ہے
آج تک شیخ کے اکرام میں جو شے تھی حرام
اب وہی دشمن دیں راحت جاں ٹھہری ہے
ہے خبر گرم کہ پھرتا ہے گریزاں ناصح
گفتگو آج سر کوئے بتاں ٹھہری ہے
ہے وہی عارض لیلیٰ وہی شیریں کا دہن
نگہ شوق گھڑی بھر کو جہاں ٹھہری ہے
وصل کی شب تھی تو کس درجہ سبک گزری تھی
ہجر کی شب ہے تو کیا سخت گراں ٹھہری ہے
بکھری اک بار تو ہاتھ آئی ہے کب موج شمیم
دل سے نکلی ہے تو کب لب پہ فغاں ٹھہری ہے
دست صیاد بھی عاجز ہے کف گلچیں بھی
بوئے گل ٹھہری نہ بلبل کی زباں ٹھہری ہے
آتے آتے یوں ہی دم بھر کو رکی ہوگی بہار
جاتے جاتے یوں ہی پل بھر کو خزاں ٹھہری ہے
ہم نے جو طرز فغاں کی ہے قفس میں ایجاد
فیضؔ گلشن میں وہی طرز بیاں ٹھہری ہے