उसे मा'लूम है सब कुछ वही है राज़-दाँ अपना
मगर मुझ से ही सुनना चाहता है वो बयाँ अपना
यहाँ पर शान जाती है वहाँ पर जान जाती है
ज़मीं छूटी तो लगता है कि छूटा आसमाँ अपना
जो गुज़रा है सो गुज़रा है जो आएगा सो आएगा
जो अब है वो भला कब है कोई लम्हा कहाँ अपना
मैं जिस के दिल में रहता हूँ मैं जिस की धुन में रक़्साँ हूँ
वो अपनी धुन पे गाता है तो होता है गुमाँ अपना
वहाँ ख़ामोश बैठे थे यहाँ तो बात करते हैं
वहाँ क्यूँ था ज़ियाँ अपना यहाँ क्यों हो ज़ियाँ अपना
ये सदियाँ बीत जाती हैं मगर लम्हे नहीं कटते
जो घटता है तो बढ़ जाता है कुछ बार-ए-गराँ अपना
use ma.alūm hai sab kuchh vahī hai rāz-dāñ apnā
magar mujh se hī sunñā chāhtā hai vo bayāñ apnā
yahāñ par shaan jaatī hai vahāñ par jaan jaatī hai
zamīñ chhūTī to lagtā hai ki chhūTā āsmāñ apnā
jo guzrā hai so guzrā hai jo aa.egā so aa.egā
jo ab hai vo bhalā kab hai koī lamha kahāñ apnā
maiñ jis ke dil meñ rahtā huuñ maiñ jis kī dhun meñ raqsāñ huuñ
vo apnī dhun pe gaatā hai to hotā hai gumāñ apnā
vahāñ ḳhāmosh baiThe the yahāñ to baat karte haiñ
vahāñ kyuuñ thā ziyāñ apnā yahāñ kyoñ ho ziyāñ apnā
ye sadiyāñ biit jaatī haiñ magar lamhe nahīñ kaTte
jo ghaTtā hai to baḌh jaatā hai kuchh bār-e-garāñ apnā
اسے معلوم ہے سب کچھ وہی ہے رازداں اپنا
مگر مجھ سے ہی سننا چاہتا ہے وہ بیاں اپنا
یہاں پر شان جاتی ہے وہاں پر جان جاتی ہے
زمیں چھوٹی تو لگتا ہے کہ چھوٹا آسماں اپنا
جو گزرا ہے سو گزرا ہے جو آئے گا سو آئے گا
جو اب ہے وہ بھلا کب ہے کوئی لمحہ کہاں اپنا
میں جس کے دل میں رہتا ہوں میں جس کی دھن میں رقصاں ہوں
وہ اپنی دھن پہ گاتا ہے تو ہوتا ہے گماں اپنا
وہاں خاموش بیٹھے تھے یہاں تو بات کرتے ہیں
وہاں کیوں تھا زیاں اپنا یہاں کیوں ہو زیاں اپنا
یہ صدیاں بیت جاتی ہیں مگر لمحے نہیں کٹتے
جو گھٹتا ہے تو بڑھ جاتا ہے کچھ بار گراں اپنا