अब किसी तस्वीर की रानाइयाँ बातें करें
मैं तो चुप हूँ अब मिरी तन्हाइयाँ बातें करें
इतनी दीवारों में इक दीवार ही समझा मुझे
आ के मेरे साए में परछाइयाँ बातें करें
रोकना भी नारवा है टोकना भी नागवार
कान तब होते हैं जब रुस्वाइयाँ बातें करें
ख़ुद-कलामी का फ़ुसूँ तन्हाइयों की गुफ़्तुगू
इस से तो बेहतर है जब परछाइयाँ बातें करें
क़ाफ़िले की तो समाअ'त और ज़बाँ तक लुट गई
हिंदिसों के दश्त में पुरवाइयाँ बातें करें
ये दर-ओ-दीवार ये छत जो कभी गिरती नहीं
मेरे उठने तक यही पहनाइयाँ बातें करें
ab kisī tasvīr kī ra.anā.iyāñ bāteñ kareñ
maiñ to chup huuñ ab mirī tanhā.iyāñ bāteñ kareñ
itnī dīvāroñ meñ ik dīvār hī samjhā mujhe
aa ke mere saa.e meñ parchhā.iyāñ bāteñ kareñ
roknā bhī nāravā hai Toknā bhī nāgavār
kaan tab hote haiñ jab rusvā.iyāñ bāteñ kareñ
ḳhud-kalāmī kā fusūñ tanhā.iyoñ kī guftugū
is se to behtar hai jab parchhā.iyāñ bāteñ kareñ
qāfile kī to samā.at aur zabāñ tak luT ga.ī
hindisoñ ke dasht meñ purvā.iyāñ bāteñ kareñ
ye dar-o-dīvār ye chhat jo kabhī girtī nahīñ
mere uThne tak yahī pahnā.iyāñ bāteñ kareñ
اب کسی تصویر کی رعنائیاں باتیں کریں
میں تو چپ ہوں اب مری تنہائیاں باتیں کریں
اتنی دیواروں میں اک دیوار ہی سمجھا مجھے
آ کے میرے سائے میں پرچھائیاں باتیں کریں
روکنا بھی ناروا ہے ٹوکنا بھی ناگوار
کان تب ہوتے ہیں جب رسوائیاں باتیں کریں
خود کلامی کا فسوں تنہائیوں کی گفتگو
اس سے تو بہتر ہے جب پرچھائیاں باتیں کریں
قافلے کی تو سماعت اور زباں تک لٹ گئی
ہندسوں کے دشت میں پروائیاں باتیں کریں
یہ در و دیوار یہ چھت جو کبھی گرتی نہیں
میرے اٹھنے تک یہی پہنائیاں باتیں کریں