गो तार-ए-अंकबूत आया नहीं अब तक गुमानों में
मगर कुछ मकड़ियों की सरसराहट सी है कानों में
ज़मीं-ज़ादों को अब मिट्टी से तो वाबस्ता रहने दो
ख़ुदारा फ़स्ल-ए-नौ का ज़ौक़ रहने दो किसानों में
सरों से आसमाँ भी क्या हटाया जाने वाला है
शबीहें मेहर-ओ-मह की टाँकते हो क्यों मकानों में
ज़रा ठहरो उगेगी भूक भी काग़ज़ के पेड़ों पर
अभी तो हाथ बाँटे जा रहे हैं बाग़बानों में
बहुत मुमकिन है पत्थर के ज़माने के नज़र आओ
अगर पैदा किया जाए तुम्हें पिछले ज़मानों में
न पंजे हैं न पर हैं और न है परवाज़ की ताक़त
जो नग़्मा-संज होना हो तो लुक्नत है ज़बानों में
चला आता है बस्ती में लिए ज़म्बील फ़तवों की
तू ऐसा कर बसेरा कर पहाड़ों की चटानों में
go tār-e-ankabūt aayā nahīñ ab tak gumānoñ meñ
magar kuchh makḌiyoñ kī sarsarāhaT sī hai kānoñ meñ
zamīñ-zādoñ ko ab miTTī se to vābasta rahne do
ḳhudārā fasl-e-nau kā zauq rahne do kisānoñ meñ
saroñ se āsmāñ bhī kyā haTāyā jaane vaalā hai
shabīheñ mehr-o-mah kī Tāñkte ho kyoñ makānoñ meñ
zarā Thahro ugegī bhuuk bhī kāġhaz ke peḌoñ par
abhī to haath bāñTe jā rahe haiñ bāġhbānoñ meñ
bahut mumkin hai patthar ke zamāne ke nazar aao
agar paidā kiyā jaa.e tumheñ pichhle zamānoñ meñ
na panje haiñ na par haiñ aur na hai parvāz kī tāqat
jo naġhma-sanj honā ho to luknat hai zabānoñ meñ
chalā aatā hai bastī meñ liye zambīl fatvoñ kī
tū aisā kar baserā kar pahāḌoñ kī chaTānoñ meñ
گو تار عنکبوت آیا نہیں اب تک گمانوں میں
مگر کچھ مکڑیوں کی سرسراہٹ سی ہے کانوں میں
زمیں زادوں کو اب مٹی سے تو وابستہ رہنے دو
خدارا فصل نو کا ذوق رہنے دو کسانوں میں
سروں سے آسماں بھی کیا ہٹایا جانے والا ہے
شبیہیں مہر و مہ کی ٹانکتے ہو کیوں مکانوں میں
ذرا ٹھہرو اگے گی بھوک بھی کاغذ کے پیڑوں پر
ابھی تو ہاتھ بانٹے جا رہے ہیں باغبانوں میں
بہت ممکن ہے پتھر کے زمانے کے نظر آؤ
اگر پیدا کیا جائے تمہیں پچھلے زمانوں میں
نہ پنجے ہیں نہ پر ہیں اور نہ ہے پرواز کی طاقت
جو نغمہ سنج ہونا ہو تو لکنت ہے زبانوں میں
چلا آتا ہے بستی میں لیے زنبیل فتووں کی
تو ایسا کر بسیرا کر پہاڑوں کی چٹانوں میں