उस की इक दुनिया हूँ मैं और मेरी इक दुनिया है वो
दश्त में तन्हा हूँ मैं और शहर में तन्हा है वो
मैं भी कैसा आइना हूँ आइना-दर-आइना
दूर तक चेहरा-ब-चेहरा बस नज़र आता है वो
उस की ख़ुश-बू से महक कर फूल बन जाता है दिल
मौसम-ए-गुल की तरह आता है वो जाता है वो
ज़िंदगी अपनी मुसलसल चाहतों का इक सफ़र
इस सफ़र में बार-हा मिल कर बिछड़ जाता है वो
ख़्वाब क्या है इक खंडर है ये खंडर कितना हसीं
इस खंडर में सैर करने के लिए आता है वो
मैं सरापा आरज़ू हूँ आरज़ू-ए-ना-तमाम
मुझ को हर मंज़िल से आगे की ख़बर देता है वो
हुस्न क्या है इक ग़ज़ल है 'अश्क' इक ताज़ा ग़ज़ल
जाम है मीना है वो साग़र है वो सहबा है वो
us kī ik duniyā huuñ maiñ aur merī ik duniyā hai vo
dasht meñ tanhā huuñ maiñ aur shahr meñ tanhā hai vo
maiñ bhī kaisā aa.ina huuñ ā.ina-dar-ā.ina
duur tak chehrā-ba-chehrā bas nazar aatā hai vo
us kī ḳhush-bū se mahak kar phuul ban jaatā hai dil
mausam-e-gul kī tarah aatā hai vo jaatā hai vo
zindagī apnī musalsal chāhatoñ kā ik safar
is safar meñ bār-hā mil kar bichhaḌ jaatā hai vo
ḳhvāb kyā hai ik khañDar hai ye khañDar kitnā hasīñ
is khañDar meñ sair karne ke liye aatā hai vo
maiñ sarāpā aarzū huuñ ārzū-e-nā-tamām
mujh ko har manzil se aage kī ḳhabar detā hai vo
husn kyā hai ik ġhazal hai 'ashk' ik taaza ġhazal
jaam hai miinā hai vo sāġhar hai vo sahbā hai vo
اس کی اک دنیا ہوں میں اور میری اک دنیا ہے وہ
دشت میں تنہا ہوں میں اور شہر میں تنہا ہے وہ
میں بھی کیسا آئنہ ہوں آئنہ در آئنہ
دور تک چہرہ بہ چہرہ بس نظر آتا ہے وہ
اس کی خوش بو سے مہک کر پھول بن جاتا ہے دل
موسم گل کی طرح آتا ہے وہ جاتا ہے وہ
زندگی اپنی مسلسل چاہتوں کا اک سفر
اس سفر میں بارہا مل کر بچھڑ جاتا ہے وہ
خواب کیا ہے اک کھنڈر ہے یہ کھنڈر کتنا حسیں
اس کھنڈر میں سیر کرنے کے لیے آتا ہے وہ
میں سراپا آرزو ہوں آرزوئے نا تمام
مجھ کو ہر منزل سے آگے کی خبر دیتا ہے وہ
حسن کیا ہے اک غزل ہے اشکؔ اک تازہ غزل
جام ہے مینا ہے وہ ساغر ہے وو صہبا ہے وہ