उन के इस कुफ़्र-ए-बयाँ से कितने अफ़्साने बने हैं
आप दीवाने नहीं हैं आप दीवाने बने हैं
जब हवा का रुख़ ज़रा बदला तो अफ़्साने बने हैं
ख़ून का रिश्ता था जिन से वो भी बेगाने बने हैं
हम तो नाम-ए-दोस्त को गिन गिन के लेना कुफ़्र समझे
ज़ाहिदों के वास्ते तस्बीह के दाने बने हैं
हुस्न का जज़्ब-ओ-असर क्या आइना-सामाँ नहीं है
शम्अ' नादीदा है लेकिन लोग परवाने बने हैं
मौत से टकरा के जीना उन की शान-ए-ज़िंदगी है
हरचे बादा-बाद कहने वाले दीवाने बने हैं
इंक़िलाब-ए-वक़्त से पहले की दुनिया अब कहाँ है
जिन में रक़्साँ चाँदनी थी वो सियह-ख़ाने बने हैं
हम में कुछ अपनी जगह हैं दानिश-ओ-बीनिश से आरी
और बनने का ये आलम है कि फ़रज़ाने बने हैं
बहस है इस मसअले पर ख़ल्वतों में जल्वतों में
किस ने दीवाना बनाया कितने दीवाने बने हैं
जिस तरह हर फूल की ख़ुश्बू अलग रंगत जुदा है
फ़ितरत-ए-इंसाँ भी यूँही अपने बेगाने बने हैं
उस के होते साग़र-ओ-सहबा की गुंजाइश नहीं है
जिस की आँखों के नमूने पर ही मयख़ाने बने हैं
हम हक़ीक़त ही हक़ीक़त हैं 'उरूज' इस ख़ाक-दाँ में
इस हक़ीक़त को भुला देने से अफ़्साने बने हैं
un ke is kufr-e-bayāñ se kitne afsāne bane haiñ
aap dīvāne nahīñ haiñ aap dīvāne bane haiñ
jab havā kā ruḳh zarā badlā to afsāne bane haiñ
ḳhuun kā rishta thā jin se vo bhī begāne bane haiñ
ham to nām-e-dost ko gin gin ke lenā kufr samjhe
zāhidoñ ke vāste tasbīh ke daane bane haiñ
husn kā jazb-o-asar kyā ā.ina-sāmāñ nahīñ hai
sham.a nādīda hai lekin log parvāne bane haiñ
maut se Takrā ke jiinā un kī shān-e-zindagī hai
harche bādā-bād kahne vaale dīvāne bane haiñ
inqilāb-e-vaqt se pahle kī duniyā ab kahāñ hai
jin meñ raqsāñ chāñdnī thī vo siyah-ḳhāne bane haiñ
ham meñ kuchh apnī jagah haiñ dānish-o-bīnish se aarī
aur banñe kā ye aalam hai ki farzāne bane haiñ
bahs hai is mas.ale par ḳhalvatoñ meñ jalvatoñ meñ
kis ne dīvāna banāyā kitne dīvāne bane haiñ
jis tarah har phuul kī ḳhushbū alag rangat judā hai
fitrat-e-insāñ bhī yūñhī apne begāne bane haiñ
us ke hote sāġhar-o-sahbā kī gunjā.ish nahīñ hai
jis kī āñkhoñ ke namūne par hī maiḳhāne bane haiñ
ham haqīqat hī haqīqat haiñ 'urūj' is ḳhāk-dāñ meñ
is haqīqat ko bhulā dene se afsāne bane haiñ
ان کے اس کفر بیاں سے کتنے افسانے بنے ہیں
آپ دیوانے نہیں ہیں آپ دیوانے بنے ہیں
جب ہوا کا رخ ذرا بدلا تو افسانے بنے ہیں
خون کا رشتہ تھا جن سے وہ بھی بیگانے بنے ہیں
ہم تو نام دوست کو گن گن کے لینا کفر سمجھے
زاہدوں کے واسطے تسبیح کے دانے بنے ہیں
حسن کا جذب و اثر کیا آئنہ ساماں نہیں ہے
شمع نادیدہ ہے لیکن لوگ پروانے بنے ہیں
موت سے ٹکرا کے جینا ان کی شان زندگی ہے
ہرچہ بادا باد کہنے والے دیوانے بنے ہیں
انقلاب وقت سے پہلے کی دنیا اب کہاں ہے
جن میں رقصاں چاندنی تھی وہ سیہ خانے بنے ہیں
ہم میں کچھ اپنی جگہ ہیں دانش و بینش سے عاری
اور بننے کا یہ عالم ہے کہ فرزانے بنے ہیں
بحث ہے اس مسئلے پر خلوتوں میں جلوتوں میں
کس نے دیوانہ بنایا کتنے دیوانے بنے ہیں
جس طرح ہر پھول کی خوشبو الگ رنگت جدا ہے
فطرت انساں بھی یوں ہی اپنے بیگانے بنے ہیں
اس کے ہوتے ساغر و صہبا کی گنجائش نہیں ہے
جس کی آنکھوں کے نمونے پر ہی میخانے بنے ہیں
ہم حقیقت ہی حقیقت ہیں عروجؔ اس خاکداں میں
اس حقیقت کو بھلا دینے سے افسانے بنے ہیں