तिरी ज़मीं से उठेंगे तो आसमाँ होंगे
हम ऐसे लोग ज़माने में फिर कहाँ होंगे
चले गए तो पुकारेगी हर सदा हम को
न जाने कितनी ज़बानों से हम बयाँ होंगे
लहू लहू के सिवा कुछ न देख पाओगे
हमारे नक़्श-ए-क़दम इस क़दर अयाँ होंगे
समेट लीजिए भीगे हुए हर इक पल को
बिखर गए जो ये मोती तो राएगाँ होंगे
उचाट दिल का ठिकाना किसी को क्या मालूम
हम अपने आप से बिछड़े तो फिर कहाँ होंगे
हैं अपनी मौज के बहते हुए समुंदर हम
तमाम दश्त-ए-जुनूँ में रवाँ-दवाँ होंगे
ये बज़्म-ए-यार है क़ुर्बान जाइए इस पर
सुना है 'अश्क' यहाँ दिल सभी जवाँ होंगे
tirī zamīñ se uTheñge to āsmāñ hoñge
ham aise log zamāne meñ phir kahāñ hoñge
chale ga.e to pukāregī har sadā ham ko
na jaane kitnī zabānoñ se ham bayāñ hoñge
lahū lahū ke sivā kuchh na dekh pāoge
hamāre naqsh-e-qadam is qadar ayaañ hoñge
sameT lījiye bhīge hue har ik pal ko
bikhar ga.e jo ye motī to rā.egāñ hoñge
uchāT dil kā Thikānā kisī ko kyā mālūm
ham apne aap se bichhḌe to phir kahāñ hoñge
haiñ apnī mauj ke bahte hue samundar ham
tamām dasht-e-junūñ meñ ravāñ-davāñ hoñge
ye bazm-e-yār hai qurbān jā.iye is par
sunā hai 'ashk' yahāñ dil sabhī javāñ hoñge
تری زمیں سے اٹھیں گے تو آسماں ہوں گے
ہم ایسے لوگ زمانے میں پھر کہاں ہوں گے
چلے گئے تو پکارے گی ہر صدا ہم کو
نہ جانے کتنی زبانوں سے ہم بیاں ہوں گے
لہو لہو کے سوا کچھ نہ دیکھ پاؤ گے
ہمارے نقش قدم اس قدر عیاں ہوں گے
سمیٹ لیجئے بھیگے ہوئے ہر اک پل کو
بکھر گئے جو یہ موتی تو رائیگاں ہوں گے
اچاٹ دل کا ٹھکانا کسی کو کیا معلوم
ہم اپنے آپ سے بچھڑے تو پھر کہاں ہوں گے
ہیں اپنی موج کے بہتے ہوئے سمندر ہم
تمام دشت جنوں میں رواں دواں ہوں گے
یہ بزم یار ہے قربان جائیے اس پر
سنا ہے اشکؔ یہاں دل سبھی جواں ہوں گے