तज़्किरा इतना मिरा उस के फ़साने में हुआ
मैं जुनूँ के नाम पर रुस्वा ज़माने में हुआ
मुझ को दुनिया ने मिटाने में न कुछ ताख़ीर की
किस क़यामत का तसाहुल तेरे आने में हुआ
आज तक हैं ज़िंदगी की किर्चियाँ बिखरी हुईं
इक ज़रा सा वाक़िआ' आईना-ख़ाने में हुआ
अब भी उस को याद आता है तो मर जाता है वो
उस का जो लम्हा बसर मेरे भुलाने में हुआ
सारी दुनिया के लिए मेरा हवाला बन गए
फ़ाएदा क्या आप को मेरे मिटाने में हुआ
दोस्तो ज़ैतून की शाख़ें लिए फिरता हूँ मैं
तज्रबा मुझ को यही तो ज़ख़्म खाने में हुआ
ज़िंदगी-भर उस से मिल बैठे न 'जाफ़र' बात की
और क़िस्सा ख़त्म यूँही आने-जाने में हुआ
tazkira itnā mirā us ke fasāne meñ huā
maiñ junūñ ke naam par rusvā zamāne meñ huā
mujh ko duniyā ne miTāne meñ na kuchh tāḳhīr kī
kis qayāmat kā tasāhul tere aane meñ huā
aaj tak haiñ zindagī kī kirchiyāñ bikhrī huiiñ
ik zarā sā vāqi.a ā.īna-ḳhāne meñ huā
ab bhī us ko yaad aatā hai to mar jaatā hai vo
us kā jo lamha basar mere bhulāne meñ huā
saarī duniyā ke liye merā havāla ban ga.e
fā.eda kyā aap ko mere miTāne meñ huā
dosto zaitūn kī shāḳheñ liye phirtā huuñ maiñ
tajraba mujh ko yahī to zaḳhm khāne meñ huā
zindagī-bhar us se mil baiThe na 'ja.afar' baat kī
aur qissa ḳhatm yūñhī āne-jāne meñ huā
تذکرہ اتنا مرا اس کے فسانے میں ہوا
میں جنوں کے نام پر رسوا زمانے میں ہوا
مجھ کو دنیا نے مٹانے میں نہ کچھ تاخیر کی
کس قیامت کا تساہل تیرے آنے میں ہوا
آج تک ہیں زندگی کی کرچیاں بکھری ہوئیں
اک ذرا سا واقعہ آئینہ خانے میں ہوا
اب بھی اس کو یاد آتا ہے تو مر جاتا ہے وہ
اس کا جو لمحہ بسر میرے بھلانے میں ہوا
ساری دنیا کے لئے میرا حوالہ بن گئے
فائدہ کیا آپ کو میرے مٹانے میں ہوا
دوستو زیتون کی شاخیں لیے پھرتا ہوں میں
تجربہ مجھ کو یہی تو زخم کھانے میں ہوا
زندگی بھر اس سے مل بیٹھے نہ جعفرؔ بات کی
اور قصہ ختم یوں ہی آنے جانے میں ہوا