तस्वीर-ए-ना-मुकम्मल इक तिश्नगी का ख़ाका
पर फड़फड़ा रहा है अन्क़ा मिरी सदा का
सब क्यों दिखा रहे हैं मौहूम सी ख़राशें
पूछा था सिर्फ़ मैं ने बीमार से दवा का
दीवानगी नहीं जो छू छू के देखता हूँ
आँखें ही अब मिली हैं अंधा था मैं सदा का
हाथों को जाने कब से बस धोए जा रहा हूँ
सादा से कैनवस पर साया सा है हवा का
छेड़ो न इन रगों को शाख़ें ये फूल सी हैं
मरहम न मिल सकेगा फिर ज़ख़्म-ए-नारवा का
वहमों की सौ हैं शक्लें लकड़ी के एक घर में
क्या क्या नहीं दिखाता ये रात का खटाका
इक बे-दिमाग़ हाथी लश्कर से आ मिला है
अब ये दिमाग़ होगा लश्कर के नक़्श-ए-पा का
tasvīr-e-nā-mukammal ik tishnagī kā ḳhāka
par phaḌphaḌā rahā hai anqā mirī sadā kā
sab kyoñ dikhā rahe haiñ mauhūm sī ḳharāsheñ
pūchhā thā sirf maiñ ne bīmār se davā kā
dīvāngī nahīñ jo chhū chhū ke dekhtā huuñ
āñkheñ hī ab milī haiñ andhā thā maiñ sadā kā
hāthoñ ko jaane kab se bas dho.e jā rahā huuñ
saada se canvas par saaya sā hai havā kā
chheḌo na in ragoñ ko shāḳheñ ye phuul sī haiñ
marham na mil sakegā phir zaḳhm-e-nāravā kā
vahmoñ kī sau haiñ shakleñ lakḌī ke ek ghar meñ
kyā kyā nahīñ dikhātā ye raat kā khaTākā
ik be-dimāġh hāthī lashkar se aa milā hai
ab ye dimāġh hogā lashkar ke naqsh-e-pā kā
تصویر نا مکمل اک تشنگی کا خاکہ
پر پھڑپھڑا رہا ہے عنقا مری صدا کا
سب کیوں دکھا رہے ہیں موہوم سی خراشیں
پوچھا تھا صرف میں نے بیمار سے دوا کا
دیوانگی نہیں جو چھو چھو کے دیکھتا ہوں
آنکھیں ہی اب ملی ہیں اندھا تھا میں سدا کا
ہاتھوں کو جانے کب سے بس دھوئے جا رہا ہوں
سادہ سے کینوس پر سایہ سا ہے ہوا کا
چھیڑو نہ ان رگوں کو شاخیں یہ پھول سی ہیں
مرہم نہ مل سکے گا پھر زخم ناروا کا
وہموں کی سو ہیں شکلیں لکڑی کے ایک گھر میں
کیا کیا نہیں دکھاتا یہ رات کا کھٹاکا
اک بے دماغ ہاتھی لشکر سے آ ملا ہے
اب یہ دماغ ہوگا لشکر کے نقش پا کا