ताज़ा-दम जज़्बा-ए-सफ़र रक्खा
हम ने मंज़िल को रहगुज़र रक्खा
एहतिराम-ए-रह-ए-तलब देखो
पावँ रखना था हम ने सर रक्खा
तेरे इक जल्वा-ए-तबस्सुम को
ज़िंदगी ने सहर सहर रक्खा
तेरी आगाही-ए-मोहब्बत ने
हम को तुझ से भी बे-ख़बर रक्खा
आज बज़्म-ए-ख़याल में हम ने
देर तक उन को जल्वा-गर रक्खा
'अक़्ल ने मेरी गुम-रही के लिए
हर क़दम 'आलम-ए-ख़बर रक्खा
हम ने इस हसरत-ए-तमाशा में
नाम जल्वे का भी नज़र रक्खा
अपनी रुस्वाइयों के पर्दे में
हम ने किस किस को मो'तबर रक्खा
अब हुनर 'ऐब है मगर 'ताबिश'
हम ने इस 'ऐब को हुनर रक्खा
tāza-dam jazba-e-safar rakkhā
ham ne manzil ko rah-guzar rakkhā
ehtirām-e-rah-e-talab dekho
paaoñ rakhnā thā ham ne sar rakkhā
tere ik jalva-e-tabassum ko
zindagī ne sahar sahar rakkhā
terī āgāhī-e-mohabbat ne
ham ko tujh se bhī be-ḳhabar rakkhā
aaj bazm-e-ḳhayāl meñ ham ne
der tak un ko jalva-gar rakkhā
'aql ne merī gumr-ahī ke liye
har qadam 'ālam-e-ḳhabar rakkhā
ham ne is hasrat-e-tamāshā meñ
naam jalve kā bhī nazar rakkhā
apnī rusvā.iyoñ ke parde meñ
ham ne kis kis ko mo'tabar rakkhā
ab hunar 'aib hai magar 'tābish'
ham ne is 'aib ko hunar rakkhā
تازہ دم جذبۂ سفر رکھا
ہم نے منزل کو رہگزر رکھا
احترام رہ طلب دیکھو
پاؤں رکھنا تھا ہم نے سر رکھا
تیرے اک جلوۂ تبسم کو
زندگی نے سحر سحر رکھا
تیری آگاہیٔ محبت نے
ہم کو تجھ سے بھی بے خبر رکھا
آج بزم خیال میں ہم نے
دیر تک ان کو جلوہ گر رکھا
عقل نے میری گمرہی کے لیے
ہر قدم عالم خبر رکھا
ہم نے اس حسرت تماشا میں
نام جلوے کا بھی نظر رکھا
اپنی رسوائیوں کے پردے میں
ہم نے کس کس کو معتبر رکھا
اب ہنر عیب ہے مگر تابشؔ
ہم نے اس عیب کو ہنر رکھا