बंद-ए-ग़म मुश्किल से मुश्किल-तर खुला
हम से जब कोई परी-पैकर खुला
मिल गई वहशी को सौदा से नजात
दर खुला दीवार में या सर खुला
जाँ-सितानी के नए अंदाज़ हैं
हाथ में ग़म्ज़े के है ख़ंजर खुला
मेरी वहशत ने निकाले जब से पाँव
एक सहरा सहन के अंदर खुला
देखने में वो निगाह-ए-लुत्फ़ थी
किस से पूछें ज़ख़्म-ए-दिल क्यूँकर खुला
कोई जादा है न मंज़िल है कोई
सब फ़रेब-ए-राही-ओ-रहबर खुला
है क़यामत उस की मिज़्गाँ का ख़याल
रख दिया है दिल में इक नश्तर खुला
ये ज़ुलेख़ाई कि यूसुफ़ के लिए
मिस्र का बाज़ार है घर घर खुला
नौ-उमीदी से बंधी 'ताबिश' उमीद
अब्र-ए-ग़म दिल पर बहुत घिर कर खुला
band-e-ġham mushkil se mushkil-tar khulā
ham se jab koī parī-paikar khulā
mil ga.ī vahshī ko saudā se najāt
dar khulā dīvār meñ yā sar khulā
jāñ-sitānī ke na.e andāz haiñ
haath meñ ġhamze ke hai ḳhanjar khulā
merī vahshat ne nikāle jab se paañv
ek sahrā sahn ke andar khulā
dekhne meñ vo nigāh-e-lutf thī
kis se pūchheñ zaḳhm-e-dil kyūñkar khulā
koī jaada hai na manzil hai koī
sab fareb-e-rāhī-o-rahbar khulā
hai qayāmat us kī mizhgāñ kā ḳhayāl
rakh diyā hai dil meñ ik nashtar khulā
ye zuleḳhā.ī ki yūsuf ke liye
misr kā bāzār hai ghar ghar khulā
nau-umīdī se bañdhī 'tābish' umiid
abr-e-ġham dil par bahut ghir kar khulā
بند غم مشکل سے مشکل تر کھلا
ہم سے جب کوئی پری پیکر کھلا
مل گئی وحشی کو سودا سے نجات
در کھلا دیوار میں یا سر کھلا
جاں ستانی کے نئے انداز ہیں
ہاتھ میں غمزے کے ہے خنجر کھلا
میری وحشت نے نکالے جب سے پاؤں
ایک صحرا صحن کے اندر کھلا
دیکھنے میں وہ نگاہ لطف تھی
کس سے پوچھیں زخم دل کیوں کر کھلا
کوئی جادہ ہے نہ منزل ہے کوئی
سب فریب راہی و رہبر کھلا
ہے قیامت اس کی مژگاں کا خیال
رکھ دیا ہے دل میں اک نشتر کھلا
یہ زلیخائی کہ یوسف کے لئے
مصر کا بازار ہے گھر گھر کھلا
نو امیدی سے بندھی تابشؔ امید
ابر غم دل پر بہت گھر کر کھلا