अज़ाब टूटे दिलों को हर इक नफ़स गुज़रा
शिकस्ता-पा थे गराँ मुज़्दा-ए-जरस गुज़रा
हुजूम-ए-जल्वा-ओ-नैरंगी-ए-तमन्ना से
तमाम मौसम-ए-गुल मौसम-ए-हवस गुज़रा
अजब नहीं कि हयात-ए-दवाम भी बख़्शे
वो एक लम्हा-ए-फ़ुर्क़त जो इक बरस गुज़रा
ये मस्लहत कि कहीं दहर है कहीं फ़िरदौस
वही जो आलम-ए-दिल हम पे हम-नफ़स गुज़रा
ग़म-ए-मआल रहा अर्ज़-ए-शौक़ से पहले
इस एक बात पे क्या क्या न पेश-ओ-पस गुज़रा
कशाकश-ए-ग़म-ए-आज़ादी-ओ-असीरी में
हर आशियाँ पे कोई आलम-ए-क़फ़स गुज़रा
रह-ए-तलब में हैं दर-माँदा राहबर 'ताबिश'
यही है हाल तो ये क़ाफ़िला भी बस गुज़रा
azaab TuuTe diloñ ko har ik nafas guzrā
shikasta-pā the garāñ muzhda-e-jaras guzrā
hujūm-e-jalva-o-nairañgī-e-tamannā se
tamām mausam-e-gul mausam-e-havas guzrā
ajab nahīñ ki hayāt-e-davām bhī baḳhshe
vo ek lamha-e-furqat jo ik baras guzrā
ye maslahat ki kahīñ dahr hai kahīñ firdaus
vahī jo ālam-e-dil ham pe ham-nafas guzrā
ġham-e-ma.āl rahā arz-e-shauq se pahle
is ek baat pe kyā kyā na pesh-o-pas guzrā
kashākash-e-ġham-e-āzādī-o-asīrī meñ
har āshiyāñ pe koī ālam-e-qafas guzrā
rah-e-talab meñ haiñ dar-māñda rāhbar 'tābish'
yahī hai haal to ye qāfila bhī bas guzrā
عذاب ٹوٹے دلوں کو ہر اک نفس گزرا
شکستہ پا تھے گراں مژدۂ جرس گزرا
ہجوم جلوہ و نیرنگیٔ تمنا سے
تمام موسم گل موسم ہوس گزرا
عجب نہیں کہ حیات دوام بھی بخشے
وہ ایک لمحۂ فرقت جو اک برس گزرا
یہ مصلحت کہ کہیں دہر ہے کہیں فردوس
وہی جو عالم دل ہم پہ ہم نفس گزرا
غم مآل رہا عرض شوق سے پہلے
اس ایک بات پہ کیا کیا نہ پیش و پس گزرا
کشاکش غم آزادیٔ و اسیری میں
ہر آشیاں پہ کوئی عالم قفس گزرا
رہ طلب میں ہیں در ماندہ راہبر تابشؔ
یہی ہے حال تو یہ قافلہ بھی بس گزرا