तअल्लुक़ उस से अगरचे मिरा ख़राब रहा
क़सम सफ़र की वही एक हम-रिकाब रहा
समझ सका न उसे मैं क़ुसूर मेरा है
कि मेरे सामने तो वो खुली किताब रहा
मैं एक लफ़्ज़ भी लेकिन न पढ़ सका उस को
अगरचे वो भी मिरा शामिल-ए-निसाब रहा
मैं मअरिफ़त के हूँ अब उस मक़ाम पर कि जहाँ
किया गुनाह भी तो ख़दशा-ए-सवाब रहा
हक़ीक़तों से मफ़र चाही थी 'यशब' मैं ने
पर अस्ल अस्ल रहा और ख़्वाब ख़्वाब रहा
ta.alluq us se agarche mirā ḳharāb rahā
qasam safar kī vahī ek ham-rikāb rahā
samajh sakā na use maiñ qusūr merā hai
ki mere sāmne to vo khulī kitāb rahā
maiñ ek lafz bhī lekin na paḌh sakā us ko
agarche vo bhī mirā shāmil-e-nisāb rahā
maiñ ma.arifat ke huuñ ab us maqām par ki jahāñ
kiyā gunāh bhī to ḳhadsha-e-savāb rahā
haqīqatoñ se mafar chāhī thī 'yashab' maiñ ne
par asl asl rahā aur ḳhvāb ḳhvāb rahā
تعلق اس سے اگرچہ مرا خراب رہا
قسم سفر کی وہی ایک ہم رکاب رہا
سمجھ سکا نہ اسے میں قصور میرا ہے
کہ میرے سامنے تو وہ کھلی کتاب رہا
میں ایک لفظ بھی لیکن نہ پڑھ سکا اس کو
اگرچہ وہ بھی مرا شامل نصاب رہا
میں معرفت کے ہوں اب اس مقام پر کہ جہاں
کیا گناہ بھی تو خدشۂ ثواب رہا
حقیقتوں سے مفر چاہی تھی یشبؔ میں نے
پر اصل اصل رہا اور خواب خواب رہا