सूरज छुपा इक इक गुल-ए-मंज़र बिखर गया
शो'ला सा कोई दिल में उतर कर बिखर गया
था चाँदनी का जिस्म कि शीशे का था बदन
आई हवा तो गिर के ज़मीं पर बिखर गया
कल हँस के रेग-ए-दश्त से कहती थी ज़िंदगी
मैं ने छुआ ही था कि वो पत्थर बिखर गया
नद्दी पे एक नर्म किरन ने रखा जो पाँव
चारों तरफ़ सदा का समुंदर बिखर गया
'जाफ़र' हमारा दिल भी है वो आइना कि बस
खाई ज़रा निगाह की ठोकर बिखर गया
sūraj chhupā ik ik gul-e-manzar bikhar gayā
sho.ala sā koī dil meñ utar kar bikhar gayā
thā chāñdnī kā jism ki shīshe kā thā badan
aa.ī havā to gir ke zamīñ par bikhar gayā
kal hañs ke reg-e-dasht se kahtī thī zindagī
maiñ ne chhuā hī thā ki vo patthar bikhar gayā
naddī pe ek narm kiran ne rakhā jo paañv
chāroñ taraf sadā kā samundar bikhar gayā
'ja.afar' hamārā dil bhī hai vo aa.ina ki bas
khaa.ī zarā nigāh kī Thokar bikhar gayā
سورج چھپا اک اک گل منظر بکھر گیا
شعلہ سا کوئی دل میں اتر کر بکھر گیا
تھا چاندنی کا جسم کہ شیشے کا تھا بدن
آئی ہوا تو گر کے زمیں پر بکھر گیا
کل ہنس کے ریگ دشت سے کہتی تھی زندگی
میں نے چھوا ہی تھا کہ وہ پتھر بکھر گیا
ندی پہ ایک نرم کرن نے رکھا جو پاؤں
چاروں طرف صدا کا سمندر بکھر گیا
جعفرؔ ہمارا دل بھی ہے وہ آئنہ کہ بس
کھائی ذرا نگاہ کی ٹھوکر بکھر گیا