सोचता हूँ रात जो सूरज था दाएँ हाथ में
सुब्ह कैसे ढल गया वो मेरे बाएँ हाथ में
हम अगर कुछ और अपने ज़ेहन-ओ-दिल रौशन करें
दोस्तो ये माह-ओ-अंजुम जगमगाएँ हाथ में
हल न हो पाया अगर क़हत-ए-ज़मीं का मसअला
ये भी मुमकिन है कि हम फ़स्लें उगाएँ हाथ में
दश्त-ए-चश्म-ओ-क़ल्ब में भी जो नज़र आता नहीं
आओ हम तुम को वही मंज़र दिखाएँ हाथ में
जब हिसार-ए-ख़ौफ़ से आज़ाद हो जाता है दिल
क़ैद हो जाती हैं तब सारी बलाएँ हाथ में
जब मिरी साँसों से ये माहौल यख़-बस्ता हुआ
मुंजमिद होने लगीं जलती हवाएँ हाथ में
शायरी की ये शब-ए-तारीक ढलती ही नहीं
'कैफ़' कब तक हम चराग़-ए-फ़न जलाएँ हाथ में
sochtā huuñ raat jo sūraj thā daa.eñ haath meñ
sub.h kaise Dhal gayā vo mere baa.eñ haath meñ
ham agar kuchh aur apne zehn-o-dil raushan kareñ
dosto ye māh-o-anjum jagmagā.eñ haath meñ
hal na ho paayā agar qaht-e-zamīñ kā mas.ala
ye bhī mumkin hai ki ham fasleñ ugā.eñ haath meñ
dasht-e-chashm-o-qalb meñ bhī jo nazar aatā nahīñ
aao ham tum ko vahī manzar dikhā.eñ haath meñ
jab hisār-e-ḳhauf se āzād ho jaatā hai dil
qaid ho jaatī haiñ tab saarī balā.eñ haath meñ
jab mirī sāñsoñ se ye māhaul yaḳh-basta huā
munjamid hone lagīñ jaltī havā.eñ haath meñ
shā.erī kī ye shab-e-tārīk Dhaltī hī nahīñ
'kaif' kab tak ham charāġh-e-fan jalā.eñ haath meñ
سوچتا ہوں رات جو سورج تھا دائیں ہاتھ میں
صبح کیسے ڈھل گیا وہ میرے بائیں ہاتھ میں
ہم اگر کچھ اور اپنے ذہن و دل روشن کریں
دوستو یہ ماہ و انجم جگمگائیں ہاتھ میں
حل نہ ہو پایا اگر قحط زمیں کا مسئلہ
یہ بھی ممکن ہے کہ ہم فصلیں اگائیں ہاتھ میں
دشت چشم و قلب میں بھی جو نظر آتا نہیں
آؤ ہم تم کو وہی منظر دکھائیں ہاتھ میں
جب حصار خوف سے آزاد ہو جاتا ہے دل
قید ہو جاتی ہیں تب ساری بلائیں ہاتھ میں
جب مری سانسوں سے یہ ماحول یخ بستہ ہوا
منجمد ہونے لگیں جلتی ہوائیں ہاتھ میں
شاعری کی یہ شب تاریک ڈھلتی ہی نہیں
کیفؔ کب تک ہم چراغ فن جلائیں ہاتھ میں