हम आज कुछ हसीन सराबों में खो गए
आँखें खुलीं तो जागते ख़्वाबों में खो गए
हम सफ़्हा-ए-हयात से जब बे-निशाँ हुए
लफ़्ज़ों की रूह बन के किताबों में खो गए
आईना-ए-बहार के कुछ अक्स-ए-मुज़्महिल
ख़ुशबू का रंग पा के गुलाबों में खो गए
दर-अस्ल बर्शगाल के तुम आफ़्ताब थे
बरसात जब हुई तो सहाबों में खो गए
निकले थे जो भी आज तलाश-ए-सवाब में
वो ज़िंदगी के सख़्त अज़ाबों में खो गए
दिल को थी एक शहर-ए-तमन्ना की जुस्तुजू
लेकिन हम आरज़ू के ख़राबों में खो गए
जब मसअला हयात का कुछ हल न हो सका
हम 'कैफ़' फ़लसफ़े की किताबों में खो गए
ham aaj kuchh hasīn sarāboñ meñ kho ga.e
āñkheñ khulīñ to jāgte ḳhvāboñ meñ kho ga.e
ham saf.ha-e-hayāt se jab be-nishāñ hue
lafzoñ kī ruuh ban ke kitāboñ meñ kho ga.e
ā.īna-e-bahār ke kuchh aks-e-muzmahil
ḳhushbū kā rañg pā ke gulāboñ meñ kho ga.e
dar-asl barshgāl ke tum āftāb the
barsāt jab huī to sahāboñ meñ kho ga.e
nikle the jo bhī aaj talāsh-e-savāb meñ
vo zindagī ke saḳht azāboñ meñ kho ga.e
dil ko thī ek shahr-e-tamannā kī justujū
lekin ham aarzū ke ḳharāboñ meñ kho ga.e
jab mas.ala hayāt kā kuchh hal na ho sakā
ham 'kaif' falsafe kī kitāboñ meñ kho ga.e
ہم آج کچھ حسین سرابوں میں کھو گئے
آنکھیں کھلیں تو جاگتے خوابوں میں کھو گئے
ہم صفحۂ حیات سے جب بے نشاں ہوئے
لفظوں کی روح بن کے کتابوں میں کھو گئے
آئینۂ بہار کے کچھ عکس مضمحل
خوشبو کا رنگ پا کے گلابوں میں کھو گئے
دراصل برشگال کے تم آفتاب تھے
برسات جب ہوئی تو سحابوں میں کھو گئے
نکلے تھے جو بھی آج تلاش ثواب میں
وہ زندگی کے سخت عذابوں میں کھو گئے
دل کو تھی ایک شہر تمنا کی جستجو
لیکن ہم آرزو کے خرابوں میں کھو گئے
جب مسئلہ حیات کا کچھ حل نہ ہو سکا
ہم کیفؔ فلسفے کی کتابوں میں کھو گئے