दरिया की मौज ही में नहीं इज़्तिराब है
संग-ए-रवाँ के दिल में भी इक ज़ख़्म-ए-आब है
हर फ़र्द आज टूटते लम्हों के शोर में
अस्र-ए-रवाँ की जागती आँखों का ख़्वाब है
वो ख़ुद ही अपनी आग में जल कर फ़ना हुआ
जिस साए की तलाश में ये आफ़्ताब है
अब कोई निस्फ़ दाम पे भी पूछता नहीं
ये ज़िंदगी निसाब से ख़ारिज किताब है
पलकों पे आज नींद की किर्चें बिखर गईं
शीशे की आँख में कोई पत्थर का ख़्वाब है
ऐ 'कैफ़' ना-क़दों के तअस्सुब के बावजूद
मेरा हर एक शेर अदब की किताब है
dariyā kī mauj hī meñ nahīñ iztirāb hai
sañg-e-ravāñ ke dil meñ bhī ik zaḳhm-e-āb hai
har fard aaj TūTte lamhoñ ke shor meñ
asr-e-ravāñ kī jāgtī ā.ankhoñ kā ḳhvāb hai
vo ḳhud hī apnī aag meñ jal kar fanā huā
jis saa.e kī talāsh meñ ye āftāb hai
ab koī nisf daam pe bhī pūchhtā nahīñ
ye zindagī nisāb se ḳhārij kitāb hai
palkoñ pe aaj niiñd kī kircheñ bikhar ga.iiñ
shīshe kī aañkh meñ koī patthar kā ḳhvāb hai
ai 'kaif' nā-qadoñ ke ta.assub ke bāvajūd
merā har ek sher adab kī kitāb hai
دریا کی موج ہی میں نہیں اضطراب ہے
سنگ رواں کے دل میں بھی اک زخم آب ہے
ہر فرد آج ٹوٹتے لمحوں کے شور میں
عصر رواں کی جاگتی آنکھوں کا خواب ہے
وہ خود ہی اپنی آگ میں جل کر فنا ہوا
جس سائے کی تلاش میں یہ آفتاب ہے
اب کوئی نصف دام پہ بھی پوچھتا نہیں
یہ زندگی نصاب سے خارج کتاب ہے
پلکوں پہ آج نیند کی کرچیں بکھر گئیں
شیشے کی آنکھ میں کوئی پتھر کا خواب ہے
اے کیفؔ نا قدوں کے تعصب کے باوجود
میرا ہر ایک شعر ادب کی کتاب ہے