सितम सिखलाएगा रस्म-ए-वफ़ा ऐसे नहीं होता
सनम दिखलाएँगे राह-ए-ख़ुदा ऐसे नहीं होता
गिनो सब हसरतें जो ख़ूँ हुई हैं तन के मक़्तल में
मिरे क़ातिल हिसाब-ए-ख़ूँ-बहा ऐसे नहीं होता
जहान-ए-दिल में काम आती हैं तदबीरें न ताज़ीरें
यहाँ पैमान-ए-तस्लीम-ओ-रज़ा ऐसे नहीं होता
हर इक शब हर घड़ी गुज़रे क़यामत यूँ तो होता है
मगर हर सुब्ह हो रोज़-ए-जज़ा ऐसे नहीं होता
रवाँ है नब्ज़-ए-दौराँ गर्दिशों में आसमाँ सारे
जो तुम कहते हो सब कुछ हो चुका ऐसे नहीं होता
sitam sikhlā.egā rasm-e-vafā aise nahīñ hotā
sanam dikhlā.eñge rāh-e-ḳhudā aise nahīñ hotā
gino sab hasrateñ jo ḳhuuñ huī haiñ tan ke maqtal meñ
mire qātil hisāb-e-ḳhūñ-bahā aise nahīñ hotā
jahān-e-dil meñ kaam aatī haiñ tadbīreñ na ta.azīreñ
yahāñ paimān-e-taslīm-o-razā aise nahīñ hotā
har ik shab har ghaḌī guzre qayāmat yuuñ to hotā hai
magar har sub.h ho roz-e-jazā aise nahīñ hotā
ravāñ hai nabz-e-daurāñ gardishoñ meñ āsmāñ saare
jo tum kahte ho sab kuchh ho chukā aise nahīñ hotā
ستم سکھلائے گا رسم وفا ایسے نہیں ہوتا
صنم دکھلائیں گے راہ خدا ایسے نہیں ہوتا
گنو سب حسرتیں جو خوں ہوئی ہیں تن کے مقتل میں
مرے قاتل حساب خوں بہا ایسے نہیں ہوتا
جہان دل میں کام آتی ہیں تدبیریں نہ تعزیریں
یہاں پیمان تسلیم و رضا ایسے نہیں ہوتا
ہر اک شب ہر گھڑی گزرے قیامت یوں تو ہوتا ہے
مگر ہر صبح ہو روز جزا ایسے نہیں ہوتا
رواں ہے نبض دوراں گردشوں میں آسماں سارے
جو تم کہتے ہو سب کچھ ہو چکا ایسے نہیں ہوتا