शुऊर-ए-इश्क़ मिले रू-ए-दार रक़्स करूँ
हैं मेरे पास बहाने हज़ार रक़्स करूँ
गुलू-ए-ख़ुश्क की शह-ए-रग थक के कहती है
कुछ और तेज़ हो ख़ंजर की धार रक़्स करूँ
तवाफ़-ए-ख़ाना-ए-दिलदार गर नसीब नहीं
ख़ुद अपने दिल का बना कर मज़ार रक़्स करूँ
बरहना जिस्म है कोहना लिबास फट गया है
सो ओढ़ कर मैं रिदा-ए-ग़ुबार रक़्स करूँ
उजाड़ दश्त में मक़्तल ये बार बार सजे
लहू में डूब के मैं बार बार रक़्स करूँ
अनी कुछ और चुभा ऐ सितम-शिआर कि मैं
तड़प के दर्द में बे-बंद-ओ-बार रक़्स करूँ
दुआ है मेरी मैं ज़ख़्मों की ताब ला न सकूँ
शराब मौत का जागे ख़ुमार रक़्स करूँ
सुना चुका सर-ए-नेज़ा मैं एक ताज़ा ग़ज़ल
'नदीम' है मुझे अब इख़्तियार रक़्स करूँ
shu.ūr-e-ishq mile rū-e-dār raqs karūñ
haiñ mere paas bahāne hazār raqs karūñ
gulū-e-ḳhushk kī shah-e-rag thak ke kahtī hai
kuchh aur tez ho ḳhanjar kī dhaar raqs karūñ
tavāf-e-ḳhāna-e-dildār gar nasīb nahīñ
ḳhud apne dil kā banā kar mazār raqs karūñ
barahna jism hai kohna libās phaT gayā hai
so oḌh kar maiñ ridā-e-ġhubār raqs karūñ
ujaaḌ dasht meñ maqtal ye baar baar saje
lahū meñ Duub ke maiñ baar baar raqs karūñ
anī kuchh aur chubhā ai sitam-shi.ār ki maiñ
taḌap ke dard meñ be-band-o-bār raqs karūñ
duā hai merī maiñ zaḳhmoñ kī taab lā na sakūñ
sharāb maut kā jaage ḳhumār raqs karūñ
sunā chukā sar-e-neza maiñ ek taaza ġhazal
'nadīm' hai mujhe ab iḳhtiyār raqs karūñ
شعور عشق ملے روئے دار رقص کروں
ہیں میرے پاس بہانے ہزار رقص کروں
گلوئے خشک کی شہ رگ تھک کے کہتی ہے
کچھ اور تیز ہو خنجر کی دھار رقص کروں
طواف خانۂ دل دار گر نصیب نہیں
خود اپنے دل کا بنا کر مزار رقص کروں
برہنہ جسم ہے کہنہ لباس پھٹ گیا ہے
سو اوڑھ کر میں ردائے غبار رقص کروں
اجاڑ دشت میں مقتل یہ بار بار سجے
لہو میں ڈوب کے میں بار بار رقص کروں
انی کچھ اور چبھا اے ستم شعار کہ میں
تڑپ کے درد میں بے بند و بار رقص کروں
دعا ہے میری میں زخموں کی تاب لا نہ سکوں
شراب موت کا جاگے خمار رقص کروں
سنا چکا سر نیزہ میں ایک تازہ غزل
ندیمؔ ہے مجھے اب اختیار رقص کروں