एक हम ही नहीं तक़दीर के मारे साहब
लोग हैं बख़्त-ज़दा सारे के सारे साहब
मेरा नेज़े पे सजा सर है पयाम-ए-ग़ैरत
कोई नेज़े से मिरा सर न उतारे साहब
मैं भी बचपन में ख़लाओं का सफ़र करता था
खेला करते थे मिरे साथ सितारे साहब
दफ़अ'तन हम ने सिला पाया मुनाजातों का
दफ़अ'तन सामने आए वो हमारे साहब
जानवर में हया इंसाँ से ज़ियादा देखी
उल्टे बहने लगे तहज़ीब के धारे साहब
मुझ में दुनिया रही और मैं भी रहा दुनिया में
मुझ को घेरे रहे हर वक़्त ख़सारे साहब
ताकि दरियाओं की वहशत रहे हावी सब पर
डूब जाता हूँ मैं दरिया के किनारे साहब
इस्तक़ामत का गला घोंट के दम लेते हैं
कितने वहशी हुआ करते हैं सहारे साहब
शुक्रिया आप ने बर्दाश्त तो कर ली ये ग़ज़ल
आप भी जाइए अब हम भी सिधारे साहब
ek ham hī nahīñ taqdīr ke maare sāhab
log haiñ baḳht-zada saare ke saare sāhab
merā neze pe sajā sar hai payām-e-ġhairat
koī neze se mirā sar na utāre sāhab
maiñ bhī bachpan meñ ḳhalāoñ kā safar kartā thā
khelā karte the mire saath sitāre sāhab
daf.atan ham ne sila paayā munājātoñ kā
daf.atan sāmne aa.e vo hamāre sāhab
jānvar meñ hayā insāñ se ziyāda dekhī
ulTe bahne lage tahzīb ke dhāre sāhab
mujh meñ duniyā rahī aur maiñ bhī rahā duniyā meñ
mujh ko ghere rahe har vaqt ḳhasāre sāhab
taaki dariyāoñ kī vahshat rahe haavī sab par
Duub jaatā huuñ maiñ dariyā ke kināre sāhab
istaqāmat kā galā ghoñT ke dam lete haiñ
kitne vahshī huā karte haiñ sahāre sāhab
shukriya aap ne bardāsht to kar lī ye ġhazal
aap bhī jā.iye ab ham bhī sidhāre sāhab
ایک ہم ہی نہیں تقدیر کے مارے صاحب
لوگ ہیں بخت زدہ سارے کے سارے صاحب
میرا نیزے پہ سجا سر ہے پیام غیرت
کوئی نیزے سے مرا سر نہ اتارے صاحب
میں بھی بچپن میں خلاؤں کا سفر کرتا تھا
کھیلا کرتے تھے مرے ساتھ ستارے صاحب
دفعتاً ہم نے صلہ پایا مناجاتوں کا
دفعتاً سامنے آئے وہ ہمارے صاحب
جانور میں حیا انساں سے زیادہ دیکھی
الٹے بہنے لگے تہذیب کے دھارے صاحب
مجھ میں دنیا رہی اور میں بھی رہا دنیا میں
مجھ کو گھیرے رہے ہر وقت خسارے صاحب
تاکہ دریاؤں کی وحشت رہے حاوی سب پر
ڈوب جاتا ہوں میں دریا کے کنارے صاحب
استقامت کا گلا گھونٹ کے دم لیتے ہیں
کتنے وحشی ہوا کرتے ہیں سہارے صاحب
شکریہ آپ نے برداشت تو کر لی یہ غزل
آپ بھی جائیے اب ہم بھی سدھارے صاحب