जब बढ़ा दर्द की मौजों का दबाव साहब
मेरी साँसों की लरज़ने लगी नाव साहब
इस से बढ़ कर नहीं अफ़्सुर्दा-मिज़ाजी का इलाज
दिल अगर रोए तो औरों को हँसाओ साहब
घुप अँधेरे में उगाता हूँ सुख़न का सूरज
बे-सबब थोड़ी है रातों से लगाव साहब
जब नहीं मिलती नए ज़ख़्म की सौग़ात मुझे
छील देता हूँ पुराना कोई घाव साहब
जिस की दानाई ने मंसूख़ किए होश-ओ-हवास
ऐसे नादान पे पत्थर न उठाओ साहब
मैं ने उस हुस्न-ए-मुजस्सम की ज़ियारत की है
मेरी आँखों के ज़रा दाम लगाओ साहब
बिजलियाँ वस्ल की साँसों पे गिराओ साहब
रुख़ से भीगी हुई ज़ुल्फ़ों को हटाओ साहब
जैसे सहराओं में मिलते हैं दो प्यासे दरिया
होंट से होंट कुछ इस तरह मिलाओ साहब
दिल मोहब्बत की सक़ाफ़त का अज़ल से है अमीं
इस शहंशाह को नफ़रत न सिखाओ साहब
जीत कर जश्न मनाना तो हुई आम सी बात
हार कर भी तो कभी जश्न मनाओ साहब
हम नए अहद के सुक़रात हैं इस बार हमें
ज़हर का प्याला नहीं जाम पिलाओ साहब
jab baḌhā dard kī maujoñ kā dabāv sāhab
merī sāñsoñ kī larazne lagī naav sāhab
is se baḌh kar nahīñ afsurda-mizājī kā ilaaj
dil agar ro.e to auroñ ko hañsāo sāhab
ghup añdhere meñ ugātā huuñ suḳhan kā sūraj
be-sabab thoḌī hai rātoñ se lagāv sāhab
jab nahīñ miltī na.e zaḳhm kī sauġhāt mujhe
chhīl detā huuñ purānā koī ghaav sāhab
jis kī dānā.ī ne mansūḳh kiye hosh-o-havās
aise nādān pe patthar na uThāo sāhab
maiñ ne us husn-e-mujassam kī ziyārat kī hai
merī āñkhoñ ke zarā daam lagāo sāhab
bijliyāñ vasl kī sāñsoñ pe girāo sāhab
ruḳh se bhīgī huī zulfoñ ko haTāo sāhab
jaise sahrāoñ meñ milte haiñ do pyāse dariyā
hoñT se hoñT kuchh is tarah milāo sāhab
dil mohabbat kī saqāfat kā azal se hai amiiñ
is shahanshāh ko nafrat na sikhāo sāhab
jiit kar jashn manānā to huī aam sī baat
haar kar bhī to kabhī jashn manāo sāhab
ham na.e ahd ke suqrāt haiñ is baar hameñ
zahr kā pyāla nahīñ jaam pilāo sāhab
جب بڑھا درد کی موجوں کا دباؤ صاحب
میری سانسوں کی لرزنے لگی ناؤ صاحب
اس سے بڑھ کر نہیں افسردہ مزاجی کا علاج
دل اگر روئے تو اوروں کو ہنساؤ صاحب
گھپ اندھیرے میں اگاتا ہوں سخن کا سورج
بے سبب تھوڑی ہے راتوں سے لگاؤ صاحب
جب نہیں ملتی نئے زخم کی سوغات مجھے
چھیل دیتا ہوں پرانا کوئی گھاؤ صاحب
جس کی دانائی نے منسوخ کئے ہوش و حواس
ایسے نادان پہ پتھر نہ اٹھاؤ صاحب
میں نے اس حسن مجسم کی زیارت کی ہے
میری آنکھوں کے ذرا دام لگاؤ صاحب
بجلیاں وصل کی سانسوں پہ گراؤ صاحب
رخ سے بھیگی ہوئی زلفوں کو ہٹاؤ صاحب
جیسے صحراؤں میں ملتے ہیں دو پیاسے دریا
ہونٹ سے ہونٹ کچھ اس طرح ملاؤ صاحب
دل محبت کی ثقافت کا ازل سے ہے امیں
اس شہنشاہ کو نفرت نہ سکھاؤ صاحب
جیت کر جشن منانا تو ہوئی عام سی بات
ہار کر بھی تو کبھی جشن مناؤ صاحب
ہم نئے عہد کے سقراط ہیں اس بار ہمیں
زہر کا پیالہ نہیں جام پلاؤ صاحب