गिरफ़्त-ए-कर्ब से आज़ाद ऐ दिल हो ही जाऊँगा
अभी रस्ता हूँ मैं इक रोज़ मंज़िल हो ही जाऊँगा
उतर जाने दे वहशत मेरे सर से हब्स-ए-ख़ल्वत की
मैं बित-तदरीज फिर मानूस-ए-महफ़िल हो ही जाऊँगा
गिरे गर मुझ पे बर्क़-ए-इल्तिफ़ात-ए-चश्म-ए-तर हर दम
तो मैं बिल-जब्र तेरी सम्त माइल हो ही जाऊँगा
ब-सद तरकीब रक्खे हैं क़दम तरतीब से मैं ने
अगर तरतीब ये बिगड़ी मैं ज़ाइल हो ही जाऊँगा
मता-ए-जाँ तो मेरी ज़ात का हिस्सा है इक दिन मैं
तू मिल जाएगा तो इंसान-ए-कामिल हो ही जाऊँगा
मिरी मज़लूमियत की रौशनी हर-सू बिखरने दे
सर-ए-मक़्तल मैं पेश-ए-तेग़-ए-क़ातिल हो ही जाऊँगा
ज़रा सा ठहर जाएँ बे-ख़ुदी की मुज़्तरिब मौजें
ऐ दश्त-ए-ग़म मैं इक ख़ामोश साहिल हो ही जाऊँगा
पयम्बर दर्द का बन के तू गर दुनिया में आएगा
सहीफ़ा बन के अश्कों का मैं नाज़िल हो ही जाऊँगा
कहा उस ने क़रीब आ कर 'नदीम' अशआ'र की सूरत
रग-ए-अफ़्क़ार में तेरी मैं शामिल हो ही जाऊँगा
giraft-e-karb se āzād ai dil ho hī jā.ūñgā
abhī rasta huuñ maiñ ik roz manzil ho hī jā.ūñgā
utar jaane de vahshat mere sar se habs-e-ḳhalvat kī
maiñ bit-tadrīj phir mānūs-e-mahfil ho hī jā.ūñgā
gire gar mujh pe barq-e-iltifāt-e-chashm-e-tar har dam
to maiñ bil-jabr terī samt maa.il ho hī jā.ūñgā
ba-sad tarkīb rakkhe haiñ qadam tartīb se maiñ ne
agar tartīb ye bigḌī maiñ zaa.il ho hī jā.ūñgā
matā-e-jāñ to merī zaat kā hissa hai ik din maiñ
tū mil jā.egā to insān-e-kāmil ho hī jā.ūñgā
mirī mazlūmiyat kī raushnī har-sū bikharne de
sar-e-maqtal maiñ pesh-e-teġh-e-qātil ho hī jā.ūñgā
zarā sā Thahar jaa.eñ be-ḳhudī kī muztarib maujeñ
ai dasht-e-ġham maiñ ik ḳhāmosh sāhil ho hī jā.ūñgā
payambar dard kā ban ke tū gar duniyā meñ aa.egā
sahīfa ban ke ashkoñ kā maiñ nāzil ho hī jā.ūñgā
kahā us ne qarīb aa kar 'nadīm' ash.ār kī sūrat
rag-e-afkār meñ terī maiñ shāmil ho hī jā.ūñgā
گرفت کرب سے آزاد اے دل ہو ہی جاؤں گا
ابھی رستہ ہوں میں اک روز منزل ہو ہی جاؤں گا
اتر جانے دے وحشت میرے سر سے حبس خلوت کی
میں بالتدریج پھر مانوس محفل ہو ہی جاؤں گا
گرے گر مجھ پہ برق التفات چشم تر ہر دم
تو میں بالجبر تیری سمت مائل ہو ہی جاؤں گا
بصد ترکیب رکھے ہیں قدم ترتیب سے میں نے
اگر ترتیب یہ بگڑی میں زائل ہو ہی جاؤں گا
متاع جاں تو میری ذات کا حصہ ہے اک دن میں
تو مل جائے گا تو انسان کامل ہو ہی جاؤں گا
مری مظلومیت کی روشنی ہر سو بکھرنے دے
سر مقتل میں پیش تیغ قاتل ہو ہی جاؤں گا
ذرا سا ٹھہر جائیں بے خودی کی مضطرب موجیں
اے دشت غم میں اک خاموش ساحل ہو ہی جاؤں گا
پیمبر درد کا بن کے تو گر دنیا میں آئے گا
صحیفہ بن کے اشکوں کا میں نازل ہو ہی جاؤں گا
کہا اس نے قریب آ کر ندیمؔ اشعار کی صورت
رگ افکار میں تیری میں شامل ہو ہی جاؤں گا