शीशे का आदमी हूँ मिरी ज़िंदगी है क्या
पत्थर हैं सब के हाथ में मुझ को कमी है क्या
अब शहर में वो फूल से चेहरे नहीं रहे
कैसी लगी है आग ये बस्ती हुई है क्या
मैं जल रहा हूँ और कोई देखता नहीं
आँखें हैं सब के पास मगर बेबसी है क्या
तुम दोस्त हो तो मुझ से ज़रा दुश्मनी करो
कुछ तल्ख़ियाँ न हों तो भला दोस्ती है क्या
ऐ गर्दिश-ए-तलाश न मंज़िल न रास्ता
मेरा जुनूँ है क्या मिरी आवारगी है क्या
ख़ुश हो के हर फ़रेब ज़माने का खा लिया
ये दिल ही जानता है कि दिल पर बनी है क्या
दो बोल दिल के हैं जो हर इक दिल को छू सकें
ऐ 'अश्क' वर्ना शेर हैं क्या शाइरी है क्या
shīshe kā aadmī huuñ mirī zindagī hai kyā
patthar haiñ sab ke haath meñ mujh ko kamī hai kyā
ab shahr meñ vo phuul se chehre nahīñ rahe
kaisī lagī hai aag ye bastī huī hai kyā
maiñ jal rahā huuñ aur koī dekhtā nahīñ
āñkheñ haiñ sab ke paas magar bebasī hai kyā
tum dost ho to mujh se zarā dushmanī karo
kuchh talḳhiyāñ na hoñ to bhalā dostī hai kyā
ai gardish-e-talāsh na manzil na rāsta
merā junūñ hai kyā mirī āvārgī hai kyā
ḳhush ho ke har fareb zamāne kā khā liyā
ye dil hī jāntā hai ki dil par banī hai kyā
do bol dil ke haiñ jo har ik dil ko chhū sakeñ
ai 'ashk' varna sher haiñ kyā shā.irī hai kyā
شیشے کا آدمی ہوں مری زندگی ہے کیا
پتھر ہیں سب کے ہاتھ میں مجھ کو کمی ہے کیا
اب شہر میں وہ پھول سے چہرے نہیں رہے
کیسی لگی ہے آگ یہ بستی ہوئی ہے کیا
میں جل رہا ہوں اور کوئی دیکھتا نہیں
آنکھیں ہیں سب کے پاس مگر بے بسی ہے کیا
تم دوست ہو تو مجھ سے ذرا دشمنی کرو
کچھ تلخیاں نہ ہوں تو بھلا دوستی ہے کیا
اے گردش تلاش نہ منزل نہ راستہ
میرا جنوں ہے کیا مری آوارگی ہے کیا
خوش ہو کے ہر فریب زمانے کا کھا لیا
یہ دل ہی جانتا ہے کہ دل پر بنی ہے کیا
دو بول دل کے ہیں جو ہر اک دل کو چھو سکیں
اے اشکؔ ورنہ شعر ہیں کیا شاعری ہے کیا