शाम-ए-ग़म की सहर नहीं होती
या हमीं को ख़बर नहीं होती
हम ने सब दुख जहाँ के देखे हैं
बेकली इस क़दर नहीं होती
नाला यूँ ना-रसा नहीं रहता
आह यूँ बे-असर नहीं होती
चाँद है कहकशाँ है तारे हैं
कोई शय नामा-बर नहीं होती
एक जाँ-सोज़ ओ ना-मुराद ख़लिश
इस तरफ़ है उधर नहीं होती
दोस्तो इश्क़ है ख़ता लेकिन
क्या ख़ता दरगुज़र नहीं होती
रात आ कर गुज़र भी जाती है
इक हमारी सहर नहीं होती
बे-क़रारी सही नहीं जाती
ज़िंदगी मुख़्तसर नहीं होती
एक दिन देखने को आ जाते
ये हवस उम्र भर नहीं होती
हुस्न सब को ख़ुदा नहीं देता
हर किसी की नज़र नहीं होती
दिल पियाला नहीं गदाई का
आशिक़ी दर-ब-दर नहीं होती
shām-e-ġham kī sahar nahīñ hotī
yā hamīñ ko ḳhabar nahīñ hotī
ham ne sab dukh jahāñ ke dekhe haiñ
bekalī is qadar nahīñ hotī
naala yuuñ nā-rasā nahīñ rahtā
aah yuuñ be-asar nahīñ hotī
chāñd hai kahkashāñ hai taare haiñ
koī shai nāma-bar nahīñ hotī
ek jāñ-soz o nā-murād ḳhalish
is taraf hai udhar nahīñ hotī
dosto ishq hai ḳhatā lekin
kyā ḳhatā darguzar nahīñ hotī
raat aa kar guzar bhī jaatī hai
ik hamārī sahar nahīñ hotī
be-qarārī sahī nahīñ jaatī
zindagī muḳhtasar nahīñ hotī
ek din dekhne ko aa jaate
ye havas umr bhar nahīñ hotī
husn sab ko ḳhudā nahīñ detā
har kisī kī nazar nahīñ hotī
dil piyāla nahīñ gadā.ī kā
āshiqī dar-ba-dar nahīñ hotī
شام غم کی سحر نہیں ہوتی
یا ہمیں کو خبر نہیں ہوتی
ہم نے سب دکھ جہاں کے دیکھے ہیں
بیکلی اس قدر نہیں ہوتی
نالہ یوں نارسا نہیں رہتا
آہ یوں بے اثر نہیں ہوتی
چاند ہے کہکشاں ہے تارے ہیں
کوئی شے نامہ بر نہیں ہوتی
ایک جاں سوز و نامراد خلش
اس طرف ہے ادھر نہیں ہوتی
دوستو عشق ہے خطا لیکن
کیا خطا درگزر نہیں ہوتی
رات آ کر گزر بھی جاتی ہے
اک ہماری سحر نہیں ہوتی
بے قراری سہی نہیں جاتی
زندگی مختصر نہیں ہوتی
ایک دن دیکھنے کو آ جاتے
یہ ہوس عمر بھر نہیں ہوتی
حسن سب کو خدا نہیں دیتا
ہر کسی کی نظر نہیں ہوتی
دل پیالہ نہیں گدائی کا
عاشقی در بہ در نہیں ہوتی