ऐ दिल वालो घर से निकलो देता दावत-ए-आम है चाँद
शहरों शहरों क़रियों क़रियों वहशत का पैग़ाम है चाँद
तू भी हरे दरीचे वाली आ जा बर-सर-ए-बाम है चाँद
हर कोई जग में ख़ुद सा ढूँडे तुझ बिन बसे आराम है चाँद
सखियों से कब सखियाँ अपने जी के भेद छुपाती हैं
हम से नहीं तो उस से कह दे करता कहाँ कलाम है चाँद
जिस जिस से उसे रब्त रहा है और भी लोग हज़ारों हैं
एक तुझी को बे-मेहरी का देता क्यूँ इल्ज़ाम है चाँद
वो जो तेरा दाग़ ग़ुलामी माथे पर लिए फिरता है
उस का नाम तो 'इंशा' ठहरा नाहक़ को बदनाम है चाँद
हम से भी दो बातें कर ले कैसी भीगी शाम है चाँद
सब कुछ सुन ले आप न बोले तेरा ख़ूब निज़ाम है चाँद
हम इस लम्बे-चौड़े घर में शब को तन्हा होते हैं
देख किसी दिन आ मिल हम से हम को तुझ से काम है चाँद
अपने दिल के मश्रिक-ओ-मग़रिब उस के रुख़ से मुनव्वर हैं
बे-शक तेरा रूप भी कामिल बे-शक तू भी तमाम है चाँद
तुझ को तो हर शाम फ़लक पर घटता-बढ़ता देखते हैं
उस को देख के ईद करेंगे अपना और इस्लाम है चाँद
ai dil vaalo ghar se niklo detā dāvat-e-ām hai chāñd
shahroñ shahroñ qariyoñ qariyoñ vahshat kā paiġhām hai chāñd
tū bhī hare darīche vaalī aa jā bar-sar-e-bām hai chāñd
har koī jag meñ ḳhud sā DhūñDe tujh bin base ārām hai chāñd
sakhiyoñ se kab sakhiyāñ apne jī ke bhed chhupātī haiñ
ham se nahīñ to us se kah de kartā kahāñ kalām hai chāñd
jis jis se use rabt rahā hai aur bhī log hazāroñ haiñ
ek tujhī ko be-mehrī kā detā kyuuñ ilzām hai chāñd
vo jo terā daaġh ġhulāmī māthe par liye phirtā hai
us kā naam to 'inshā' Thahrā nāhaq ko badnām hai chāñd
ham se bhī do bāteñ kar le kaisī bhīgī shaam hai chāñd
sab kuchh sun le aap na bole terā ḳhuub nizām hai chāñd
ham is lambe-chauḌe ghar meñ shab ko tanhā hote haiñ
dekh kisī din aa mil ham se ham ko tujh se kaam hai chāñd
apne dil ke mashriq-o-maġhrib us ke ruḳh se munavvar haiñ
be-shak terā ruup bhī kāmil be-shak tū bhī tamām hai chāñd
tujh ko to har shaam falak par ghaTtā-baḌhtā dekhte haiñ
us ko dekh ke iid kareñge apnā aur islām hai chāñd
اے دل والو گھر سے نکلو دیتا دعوت عام ہے چاند
شہروں شہروں قریوں قریوں وحشت کا پیغام ہے چاند
تو بھی ہرے دریچے والی آ جا بر سر بام ہے چاند
ہر کوئی جگ میں خود سا ڈھونڈے تجھ بن بسے آرام ہے چاند
سکھیوں سے کب سکھیاں اپنے جی کے بھید چھپاتی ہیں
ہم سے نہیں تو اس سے کہہ دے کرتا کہاں کلام ہے چاند
جس جس سے اسے ربط رہا ہے اور بھی لوگ ہزاروں ہیں
ایک تجھی کو بے مہری کا دیتا کیوں الزام ہے چاند
وہ جو تیرا داغ غلامی ماتھے پر لیے پھرتا ہے
اس کا نام تو انشاؔ ٹھہرا ناحق کو بدنام ہے چاند
ہم سے بھی دو باتیں کر لے کیسی بھیگی شام ہے چاند
سب کچھ سن لے آپ نہ بولے تیرا خوب نظام ہے چاند
ہم اس لمبے چوڑے گھر میں شب کو تنہا ہوتے ہیں
دیکھ کسی دن آ مل ہم سے ہم کو تجھ سے کام ہے چاند
اپنے دل کے مشرق و مغرب اس کے رخ سے منور ہیں
بے شک تیرا روپ بھی کامل بے شک تو بھی تمام ہے چاند
تجھ کو تو ہر شام فلک پر گھٹتا بڑھتا دیکھتے ہیں
اس کو دیکھ کے عید کریں گے اپنا اور اسلام ہے چاند