देख हमारी दीद के कारन कैसा क़ाबिल-ए-दीद हुआ
एक सितारा बैठे बैठे ताबिश में ख़ुर्शीद हुआ
आज तो जानी रस्ता तकते शाम का चाँद पदीद हुआ
तू ने तो इंकार किया था दिल कब ना-उम्मीद हुआ
आन के इस बीमार को देखे तुझ को भी तौफ़ीक़ हुई
लब पर उस के नाम था तेरा जब भी दर्द शदीद हुआ
हाँ उस ने झलकी दिखलाई एक ही पल को दरीचे में
जानो इक बिजली लहराई आलम एक शहीद हुआ
तू ने हम से कलाम भी छोड़ा अर्ज़-ए-वफ़ा के सुनते ही
पहले कौन क़रीब था हम से अब तो और बईद हुआ
दुनिया के सब कारज छोड़े नाम पे तेरे 'इंशा' ने
और उसे क्या थोड़े ग़म थे तेरा इश्क़ मज़ीद हुआ
dekh hamārī diid ke kāran kaisā qābil-e-dīd huā
ek sitāra baiThe baiThe tābish meñ ḳhurshīd huā
aaj to jaanī rasta takte shaam kā chāñd padīd huā
tū ne to inkār kiyā thā dil kab nā-ummīd huā
aan ke is bīmār ko dekhe tujh ko bhī taufīq huī
lab par us ke naam thā terā jab bhī dard shadīd huā
haañ us ne jhalkī dikhlā.ī ek hī pal ko darīche meñ
jaano ik bijlī lahrā.ī aalam ek shahīd huā
tū ne ham se kalām bhī chhoḌā arz-e-vafā ke sunte hī
pahle kaun qarīb thā ham se ab to aur ba.iid huā
duniyā ke sab kāraj chhoḌe naam pe tere 'inshā' ne
aur use kyā thoḌe ġham the terā ishq mazīd huā
دیکھ ہماری دید کے کارن کیسا قابل دید ہوا
ایک ستارہ بیٹھے بیٹھے تابش میں خورشید ہوا
آج تو جانی رستہ تکتے شام کا چاند پدید ہوا
تو نے تو انکار کیا تھا دل کب نا امید ہوا
آن کے اس بیمار کو دیکھے تجھ کو بھی توفیق ہوئی
لب پر اس کے نام تھا تیرا جب بھی درد شدید ہوا
ہاں اس نے جھلکی دکھلائی ایک ہی پل کو دریچے میں
جانو اک بجلی لہرائی عالم ایک شہید ہوا
تو نے ہم سے کلام بھی چھوڑا عرض وفا کے سنتے ہی
پہلے کون قریب تھا ہم سے اب تو اور بعید ہوا
دنیا کے سب کارج چھوڑے نام پہ تیرے انشاؔ نے
اور اسے کیا تھوڑے غم تھے تیرا عشق مزید ہوا