दिल इश्क़ में बे-पायाँ सौदा हो तो ऐसा हो
दरिया हो तो ऐसा हो सहरा हो तो ऐसा हो
इक ख़ाल-ए-सुवैदा में पहनाई-ए-दो-आलम
फैला हो तो ऐसा हो सिमटा हो तो ऐसा हो
ऐ क़ैस-ए-जुनूँ-पेशा 'इंशा' को कभी देखा
वहशी हो तो ऐसा हो रुस्वा हो तो ऐसा हो
दरिया ब-हुबाब-अंदर तूफ़ाँ ब-सहाब-अंदर
महशर ब-हिजाब-अंदर होना हो तो ऐसा हो
हम से नहीं रिश्ता भी हम से नहीं मिलता भी
है पास वो बैठा भी धोका हो तो ऐसा हो
वो भी रहा बेगाना हम ने भी न पहचाना
हाँ ऐ दिल-ए-दीवाना अपना हो तो ऐसा हो
इस दर्द में क्या क्या है रुस्वाई भी लज़्ज़त भी
काँटा हो तो ऐसा हो चुभता हो तो ऐसा हो
हम ने यही माँगा था उस ने यही बख़्शा है
बंदा हो तो ऐसा हो दाता हो तो ऐसा हो
dil ishq meñ be-pāyāñ saudā ho to aisā ho
dariyā ho to aisā ho sahrā ho to aisā ho
ik ḳhāl-e-suvaidā meñ pahnā.ī-e-do-ālam
phailā ho to aisā ho simTā ho to aisā ho
ai qais-e-junūñ-pesha 'inshā' ko kabhī dekhā
vahshī ho to aisā ho rusvā ho to aisā ho
dariyā ba-hubāb-andar tūfāñ ba-sahāb-andar
mahshar ba-hijāb-andar honā ho to aisā ho
ham se nahīñ rishta bhī ham se nahīñ miltā bhī
hai paas vo baiThā bhī dhokā ho to aisā ho
vo bhī rahā begāna ham ne bhī na pahchānā
haañ ai dil-e-dīvāna apnā ho to aisā ho
is dard meñ kyā kyā hai rusvā.ī bhī lazzat bhī
kāñTā ho to aisā ho chubhtā ho to aisā ho
ham ne yahī māñgā thā us ne yahī baḳhshā hai
banda ho to aisā ho daatā ho to aisā ho
دل عشق میں بے پایاں سودا ہو تو ایسا ہو
دریا ہو تو ایسا ہو صحرا ہو تو ایسا ہو
اک خال سویدا میں پہنائی دو عالم
پھیلا ہو تو ایسا ہو سمٹا ہو تو ایسا ہو
اے قیس جنوں پیشہ انشاؔ کو کبھی دیکھا
وحشی ہو تو ایسا ہو رسوا ہو تو ایسا ہو
دریا بہ حباب اندر طوفاں بہ سحاب اندر
محشر بہ حجاب اندر ہونا ہو تو ایسا ہو
ہم سے نہیں رشتہ بھی ہم سے نہیں ملتا بھی
ہے پاس وہ بیٹھا بھی دھوکا ہو تو ایسا ہو
وہ بھی رہا بیگانہ ہم نے بھی نہ پہچانا
ہاں اے دل دیوانہ اپنا ہو تو ایسا ہو
اس درد میں کیا کیا ہے رسوائی بھی لذت بھی
کانٹا ہو تو ایسا ہو چبھتا ہو تو ایسا ہو
ہم نے یہی مانگا تھا اس نے یہی بخشا ہے
بندہ ہو تو ایسا ہو داتا ہو تو ایسا ہو