संग-दिल है असर उस पे होगा नहीं क़िस्सा-ए-ग़म सुनाने से क्या फ़ाएदा
कम तो होती नहीं सोज़िश-ए-ज़िंदगी आँसुओं में नहाने से क्या फ़ाएदा
राज़ रखते हो क्यों साफ़ फ़रमाइए दिल की बातें छुपाने से क्या फ़ाएदा
आस दे दे के मायूस करते हो क्यों यूँ किसी को सताने से क्या फ़ाएदा
अपनी तिश्ना-लबी की शिकायत नहीं ये तो साक़ी-गरी की भी तौहीन है
मय-कशी का तक़ाज़ा समझिए ज़रा क़तरा-क़तरा चखाने से क्या फ़ाएदा
ख़ौफ़-ए-सय्याद है बिजलियों का है डर ना-मुवाफ़िक़ हवा है फ़ज़ा पुर-ख़तर
जब मुख़ालिफ़ है इतने ज़मीं आसमाँ फिर नशेमन बनाने से क्या फ़ाएदा
आमद-ए-फ़स्ल-ए-गुल हो मुबारक तुम्हें अहल-ए-गुलशन मगर ये तो फ़रमाइए
जो किसी के गले की न ज़ीनत बने ऐसी कलियाँ खिलाने से क्या फ़ाएदा
चाँदनी की तरह वजह-ए-फ़रहत बने हुस्न से कुछ ज़िया-ए-मोहब्बत मिले
बर्क़ बन कर जला दे जो दुनिया मिरी ऐसा जल्वा दिखाने से क्या फ़ाएदा
राज़ इस में नहीं कोई इस के सिवा मैं जो ख़ामोश हूँ 'रौनक़'-ए-बे-नवा
जिस से फ़रियाद है वो तो सुनता नहीं फिर जहाँ को सुनाने से क्या फ़ाएदा
sang-dil hai asar us pe hogā nahīñ qissa-e-ġham sunāne se kyā fā.eda
kam to hotī nahīñ sozish-e-zindagī āñsuoñ meñ nahāne se kyā fā.eda
raaz rakhte ho kyoñ saaf farmā.iye dil kī bāteñ chhupāne se kyā fā.eda
aas de de ke māyūs karte ho kyoñ yuuñ kisī ko satāne se kyā fā.eda
apnī tishna-labī kī shikāyat nahīñ ye to sāqī-garī kī bhī tauhīn hai
mai-kashī kā taqāzā samjhiye zarā qatra-qatra chakhāne se kyā fā.eda
ḳhauf-e-sayyād hai bijliyoñ kā hai Dar nā-muvāfiq havā hai fazā pur-ḳhatar
jab muḳhālif hai itne zamīñ āsmāñ phir nasheman banāne se kyā fā.eda
āmad-e-fasl-e-gul ho mubārak tumheñ ahl-e-gulshan magar ye to farmā.iye
jo kisī ke gale kī na zīnat bane aisī kaliyāñ khilāne se kyā fā.eda
chāñdnī kī tarah vajh-e-farhat bane husn se kuchh ziyā-e-mohabbat mile
barq ban kar jalā de jo duniyā mirī aisā jalva dikhāne se kyā fā.eda
raaz is meñ nahīñ koī is ke sivā maiñ jo ḳhāmosh huuñ 'raunaq'-e-be-navā
jis se fariyād hai vo to suntā nahīñ phir jahāñ ko sunāne se kyā fā.eda
سنگ دل ہے اثر اس پہ ہوگا نہیں قصۂ غم سنانے سے کیا فائدہ
کم تو ہوتی نہیں سوزش زندگی آنسوؤں میں نہانے سے کیا فائدہ
راز رکھتے ہو کیوں صاف فرمائیے دل کی باتیں چھپانے سے کیا فائدہ
آس دے دے کے مایوس کرتے ہو کیوں یوں کسی کو ستانے سے کیا فائدہ
اپنی تشنہ لبی کی شکایت نہیں یہ تو ساقی گری کی بھی توہین ہے
مے کشی کا تقاضا سمجھئے ذرا قطرہ-قطرہ چکھانے سے کیا فائدہ
خوف صیاد ہے بجلیوں کا ہے ڈر نا موافق ہوا ہے فضا پر خطر
جب مخالف ہے اتنے زمیں آسماں پھر نشیمن بنانے سے کیا فائدہ
آمد فصل گل ہو مبارک تمہیں اہل گلشن مگر یہ تو فرمائیے
جو کسی کے گلے کی نہ زینت بنے ایسی کلیاں کھلانے سے کیا فائدہ
چاندنی کی طرح وجہ فرحت بنے حسن سے کچھ ضیائے محبت ملے
برق بن کر جلا دے جو دنیا مری ایسا جلوہ دکھانے سے کیا فائدہ
راز اس میں نہیں کوئی اس کے سوا میں جو خاموش ہوں رونقؔ بے نوا
جس سے فریاد ہے وہ تو سنتا نہیں پھر جہاں کو سنانے سے کیا فائدہ