दा'वा है आज़माईए चाहे जहाँ मुझे
हूँ बा-वफ़ा क़ुबूल है हर इम्तिहाँ मुझे
फ़र्सूदा अहल-ए-इश्क़ के अफ़्साने हो गए
लिखनी है तर्ज़-ए-नौ से मिरी दास्ताँ मुझे
ज़ाहिद ने ज़िक्र-ए-ख़ुल्द में की थी निशाँ-दही
मालूम मै-कदा था न कू-ए-बुताँ मुझे
हर रहगुज़र पे छोड़े हैं कुछ ऐसे नक़्श-ए-पा
कि ढूँढता रहेगा हर इक कारवाँ मुझे
उस मंज़िल-ए-हयात में है अब जुनूँ मिरा
ख़्वाहिश है सूद की न तो ख़ौफ़-ए-ज़ियाँ मुझे
उन की जफ़ा पे कोई उन्हें टोकता नहीं
तल्क़ीन-ए-सब्र करता है सारा जहाँ मुझे
'रौनक़' ज़माना कुछ भी कहे इस का ग़म नहीं
वो बद-गुमाँ हैं मुझ से नहिं ये गुमाँ मुझे
da.avā hai āzmā.iye chāhe jahāñ mujhe
huuñ bā-vafā qubūl hai har imtihāñ mujhe
farsūda ahl-e-ishq ke afsāne ho ga.e
likhnī hai tarz-e-nau se mirī dāstāñ mujhe
zāhid ne zikr-e-ḳhuld meñ kī thī nishāñ-dahī
mālūm mai-kada thā na kū-e-butāñ mujhe
har rahguzar pe chhoḌe haiñ kuchh aise naqsh-e-pā
ki DhūñDhtā rahegā har ik kārvāñ mujhe
us manzil-e-hayāt meñ hai ab junūñ mirā
ḳhvāhish hai suud kī na to ḳhauf-e-ziyāñ mujhe
un kī jafā pe koī unheñ Toktā nahīñ
talqīn-e-sabr kartā hai saarā jahāñ mujhe
'raunaq' zamāna kuchh bhī kahe is kā ġham nahīñ
vo bad-gumāñ haiñ mujh se nahiñ ye gumāñ mujhe
دعویٰ ہے آزمائیے چاہے جہاں مجھے
ہوں با وفا قبول ہے ہر امتحاں مجھے
فرسودہ اہل عشق کے افسانے ہو گئے
لکھنی ہے طرز نو سے مری داستاں مجھے
زاہد نے ذکر خلد میں کی تھی نشاں دہی
معلوم میکدہ تھا نہ کوئے بتاں مجھے
ہر رہ گزر پہ چھوڑے ہیں کچھ ایسے نقش پا
کہ ڈھونڈھتا رہے گا ہر اک کارواں مجھے
اس منزل حیات میں ہے اب جنوں مرا
خواہش ہے سود کی نہ تو خوف زیاں مجھے
ان کی جفا پہ کوئی انہیں ٹوکتا نہیں
تلقین صبر کرتا ہے سارا جہاں مجھے
رونقؔ زمانہ کچھ بھی کہے اس کا غم نہیں
وہ بد گماں ہیں مجھ سے نہیں یہ گماں مجھے