सजन मुझ पर बहुत ना-मेहरबाँ है
कहाँ वो आशिक़ाँ का क़दर-दाँ है
कहूँ अहवाल दिल का उस को क्यूँकर
बहुत नाज़ुक-मिज़ाज ओ बद-ज़बाँ है
मिरा दिल बंद है उस नाज़नीं पर
'अजब उस ख़ुश-लिक़ा में एक आँ है
भवाँ शमशीर हैं ओ ज़ुल्फ़ फाँसी
हर इक पलक उस की मानिंद-ए-सिनाँ है
ख़ुदा उस को रखे दुनिया में महफ़ूज़
निहाल-ए-आरज़ू आराम-ए-जाँ है
चंद्र बे-वक़र है उस बद्र आगे
सफ़ा उस मुख की हर इक पर 'अयाँ है
समझता है तिरे अश’आर 'फ़ाएज़'
ख़ुदा के फ़ज़्ल सूँ वो नुक्ता-दाँ है
sajan mujh par bahut nā-mehrbāñ hai
kahāñ vo āshiqāñ kā qadar-dāñ hai
kahūñ ahvāl dil kā us ko kyūñkar
bahut nāzuk-mizāj o bad-zabāñ hai
mirā dil band hai us nāznīñ par
'ajab us ḳhush-liqā meñ ek aañ hai
bhavāñ shamshīr haiñ o zulf phāñsī
har ik palak us kī mānind-e-sināñ hai
ḳhudā us ko rakhe duniyā meñ mahfūz
nihāl-e-ārzū ārām-e-jāñ hai
chandr be-vaqar hai us badr aage
safā us mukh kī har ik par 'ayāñ hai
samajhtā hai tire ash’ār 'fā.ez'
ḳhudā ke fazl suuñ vo nukta-dāñ hai
سجن مجھ پر بہت نا مہرباں ہے
کہاں وہ عاشقاں کا قدر داں ہے
کہوں احوال دل کا اس کو کیونکر
بہت نازک مزاج و بد زباں ہے
مرا دل بند ہے اس نازنیں پر
عجب اس خوش لقا میں ایک آں ہے
بھواں شمشیر ہیں و زلف پھانسی
ہر اک پلک اس کی مانند سناں ہے
خدا اس کو رکھے دنیا میں محفوظ
نہال آرزو آرام جاں ہے
چندر بے وقر ہے اس بدر آگے
صفا اس مکھ کی ہر اک پر عیاں ہے
سمجھتا ہے ترے اشعار فائزؔ
خدا کے فضل سوں وہ نکتہ داں ہے