सदाक़तों के पयम्बर गए रसूल गए
ख़ुदी की हुर्मत-ए-अफ़ज़ल गई उसूल गए
जो बुल-हवस थे सर-ए-आम दनदनाते रहे
जो हक़-परस्त थे सब फाँसीयों पे झूल गए
गिला फ़क़त है ये ज़ाहिद की पारसाई से
ज़रा सा वक़्त पड़ा उन के सब उसूल गए
ख़िज़र से हम भी मिला कर क़दम चले थे मगर
मसाफ़तों की तवालत से साँस फूल गए
तुम्हारे जाने से हर इक कली का रंग उड़ा
चमन से फ़स्ल-ए-बहाराँ गई तो फूल गए
रह-ए-हयात में लाखों थे हम-सफ़र 'एजाज़'
किसी को याद रखा और किसी को भूल गए
sadāqatoñ ke payambar ga.e rasūl ga.e
ḳhudī kī hurmat-e-afzal ga.ī usuul ga.e
jo bul-havas the sar-e-ām dandanāte rahe
jo haq-parast the sab phāñsiyoñ pe jhuul ga.e
gilā faqat hai ye zāhid kī pārsā.ī se
zarā sā vaqt paḌā un ke sab usuul ga.e
ḳhizar se ham bhī milā kar qadam chale the magar
masāfatoñ kī tavālat se saañs phuul ga.e
tumhāre jaane se har ik kalī kā rañg uḌā
chaman se fasl-e-bahārāñ ga.ī to phuul ga.e
rah-e-hayāt meñ lākhoñ the ham-safar 'ejāz'
kisī ko yaad rakhā aur kisī ko bhuul ga.e
صداقتوں کے پیمبر گئے رسول گئے
خودی کی حرمت افضل گئی اصول گئے
جو بو الہوس تھے سر عام دندناتے رہے
جو حق پرست تھے سب پھانسیوں پہ جھول گئے
گلا فقط ہے یہ زاہد کی پارسائی سے
ذرا سا وقت پڑا ان کے سب اصول گئے
خضر سے ہم بھی ملا کر قدم چلے تھے مگر
مسافتوں کی طوالت سے سانس پھول گئے
تمہارے جانے سے ہر اک کلی کا رنگ اڑا
چمن سے فصل بہاراں گئی تو پھول گئے
رہ حیات میں لاکھوں تھے ہم سفر اعجازؔ
کسی کو یاد رکھا اور کسی کو بھول گئے