सबा से आती है कुछ बू-ए-आश्ना मुझ को
बुला रहा है मिरे ख़ूँ का ज़ाइक़ा मुझ को
हनूज़ सफ़्हा-ए-हस्ती पे हूँ मैं हर्फ़-ए-ग़लत
कोई हनूज़ है लिख लिख के काटता मुझ को
हज़ार चेहरा तिलिस्म-ए-गुरेज़-पा हूँ मैं
असीर कर न सका कोई आइना मुझ को
चला ही जाऊँ मैं परछाइयों के देस को और
पुकारता रहे किरनों का क़ाफ़िला मुझ को
यही हैं रत-जगे जब से खुलीं मिरी आँखें
न था वो ख़्वाब मिरा इक अज़ाब था मुझ को
चला था मैं तो समुंदर की तिश्नगी ले कर
मिला ये कैसा सराबों का सिलसिला मुझ को
ये बात किस से कहूँ आह इक गुल-ए-ख़ूबी
बड़े ही प्यार से काँटा चुभो गया मुझ को
sabā se aatī hai kuchh bu-e-āshnā mujh ko
bulā rahā hai mire ḳhuuñ kā zā.iqa mujh ko
hanūz safha-e-hastī pe huuñ maiñ harf-e-ġhalat
koī hanūz hai likh likh ke kāTtā mujh ko
hazār chehra tilism-e-gurez-pā huuñ maiñ
asiir kar na sakā koī aa.inā mujh ko
chalā hī jā.ūñ maiñ parchhā.iyoñ ke des ko aur
pukārtā rahe kirnoñ kā qāfila mujh ko
yahī haiñ rat-jage jab se khulīñ mirī āñkheñ
na thā vo ḳhvāb mirā ik azaab thā mujh ko
chalā thā maiñ to samundar kī tishnagī le kar
milā ye kaisā sarāboñ kā silsila mujh ko
ye baat kis se kahūñ aah ik gul-e-ḳhūbī
baḌe hī pyaar se kāñTā chubho gayā mujh ko
صبا سے آتی ہے کچھ بوئے آشنا مجھ کو
بلا رہا ہے مرے خوں کا ذائقہ مجھ کو
ہنوز صفحۂ ہستی پہ ہوں میں حرف غلط
کوئی ہنوز ہے لکھ لکھ کے کاٹتا مجھ کو
ہزار چہرہ طلسم گریز پا ہوں میں
اسیر کر نہ سکا کوئی آئنا مجھ کو
چلا ہی جاؤں میں پرچھائیوں کے دیس کو اور
پکارتا رہے کرنوں کا قافلہ مجھ کو
یہی ہیں رتجگے جب سے کھلیں مری آنکھیں
نہ تھا وہ خواب مرا اک عذاب تھا مجھ کو
چلا تھا میں تو سمندر کی تشنگی لے کر
ملا یہ کیسا سرابوں کا سلسلہ مجھ کو
یہ بات کس سے کہوں آہ اک گل خوبی
بڑے ہی پیار سے کانٹا چبھو گیا مجھ کو