सानेहा रोज़ नया हो तो ग़ज़ल क्या कहिए
हर तरफ़ हश्र बपा हो तो ग़ज़ल क्या कहिए
बरबरिय्यत पे ही क़दग़न है न सफ़्फ़ाकी पर
रक़्स-ए-इबलीस रवा हो तो ग़ज़ल क्या कहिए
तीर-ए-बाराँ मेरे पिंदार पे हैं अहल-ए-जफ़ा
इज़्ज़त-ए-नफ़्स फ़ना हो तो ग़ज़ल क्या कहिए
बोलना भी यहाँ दुश्वार है चुप रहना भी
क़ुफ़्ल होंटों पे लगा हो तो ग़ज़ल क्या कहिए
एक नासूर सा है दिल की जगह सीने में
ज़ख़्म अंदर से हरा हो तो ग़ज़ल क्या कहिए
भूक ने तल्ख़ियाँ भर दी हैं लब-ओ-लहजे में
ज़हर फ़ाक़ों में घुला हो तो ग़ज़ल क्या कहिए
दम ग़रीबी में निकलता न ठहरता है 'रबाब'
ज़िंदगी सर्द चिता हो तो ग़ज़ल क्या कहिए
sāneha roz nayā ho to ġhazal kyā kahiye
har taraf hashr bapā ho to ġhazal kyā kahiye
barbariyyat pe hī qadġhan hai na saffākī par
raqs-e-iblīs ravā ho to ġhazal kyā kahiye
tīr-e-bārāñ mere pindār pe haiñ ahl-e-jafā
izzat-e-nafs fanā ho to ġhazal kyā kahiye
bolnā bhī yahāñ dushvār hai chup rahnā bhī
qufl hoñToñ pe lagā ho to ġhazal kyā kahiye
ek nāsūr sā hai dil kī jagah siine meñ
zaḳhm andar se harā ho to ġhazal kyā kahiye
bhuuk ne talḳhiyāñ bhar dī haiñ lab-o-lahje meñ
zahr fāqoñ meñ ghulā ho to ġhazal kyā kahiye
dam ġharībī meñ nikaltā na Thahartā hai 'rabāb'
zindagī sard chitā ho to ġhazal kyā kahiye
سانحہ روز نیا ہو تو غزل کیا کہیے
ہر طرف حشر بپا ہو تو غزل کیا کہیے
بربریت پہ ہی قدغن ہے نہ سفاکی پر
رقص ابلیس روا ہو تو غزل کیا کہیے
تیر باراں میرے پندار پہ ہیں اہل جفا
عزت نفس فنا ہو تو غزل کیا کہیے
بولنا بھی یہاں دشوار ہے چپ رہنا بھی
قفل ہونٹوں پہ لگا ہو تو غزل کیا کہیے
ایک ناسور سا ہے دل کی جگہ سینے میں
زخم اندر سے ہرا ہو تو غزل کیا کہیے
بھوک نے تلخیاں بھر دی ہیں لب و لہجے میں
زہر فاقوں میں گھلا ہو تو غزل کیا کہیے
دم غریبی میں نکلتا نہ ٹھہرتا ہے ربابؔ
زندگی سرد چتا ہو تو غزل کیا کہیے