रू-ब-रू उन के कोई हर्फ़ अदा क्या करते
दर्द तो हम को छुपाना था सदा क्या करते
बेवफ़ाई भी वफ़ा ही की तरह की उस ने
ऐसे इंसान से करते तो गिला क्या करते
छिन गईं हाथ उठाने से दुआएँ महँगी
हौसला फिर वो दुआओं का भला क्या करते
कुछ तो आते रहे उम्मीद के झोंके वर्ना
इतना शादाब मुझे आब ओ हवा क्या करते
अपने मेयार से गिरना नहीं आया हम को
अपने किरदार को हम इस से सिवा क्या करते
जब भी आया कोई अच्छा ही ख़याल आया है
'अश्क' हम जैसे ज़माने का बुरा क्या करते
rū-ba-rū un ke koī harf adā kyā karte
dard to ham ko chhupānā thā sadā kyā karte
bevafā.ī bhī vafā hī kī tarah kī us ne
aise insān se karte to gila kyā karte
chhin ga.iiñ haath uThāne se duā.eñ mahñgī
hausla phir vo duāoñ kā bhalā kyā karte
kuchh to aate rahe ummīd ke jhoñke varnā
itnā shādāb mujhe aab o havā kyā karte
apne me.ayār se girnā nahīñ aayā ham ko
apne kirdār ko ham is se sivā kyā karte
jab bhī aayā koī achchhā hī ḳhayāl aayā hai
'ashk' ham jaise zamāne kā burā kyā karte
روبرو ان کے کوئی حرف ادا کیا کرتے
درد تو ہم کو چھپانا تھا صدا کیا کرتے
بے وفائی بھی وفا ہی کی طرح کی اس نے
ایسے انسان سے کرتے تو گلہ کیا کرتے
چھن گئیں ہاتھ اٹھانے سے دعائیں مہنگی
حوصلہ پھر وہ دعاؤں کا بھلا کیا کرتے
کچھ تو آتے رہے امید کے جھونکے ورنہ
اتنا شاداب مجھے آب و ہوا کیا کرتے
اپنے معیار سے گرنا نہیں آیا ہم کو
اپنے کردار کو ہم اس سے سوا کیا کرتے
جب بھی آیا کوئی اچھا ہی خیال آیا ہے
اشکؔ ہم جیسے زمانے کا برا کیا کرتے