रात की ज़ुल्फ़ें भीगी भीगी और आलम तन्हाई का
कितने दर्द जगा देता है इक झोंका पुर्वाई का
उड़ते लम्हों के दामन में तेरी याद की ख़ुश्बू है
पिछली रात का चाँद है या है अक्स तिरी अंगड़ाई का
कब से न जाने गलियों गलियों साए की सूरत फिरते हैं
किस से दिल की बात करें हम शहर है उस हर जाई का
इश्क़ हमारी बर्बादी को दिल से दुआएँ देता है
हम से पहले इतना रौशन नाम न था रुस्वाई का
शे'र हमारे सुन कर अक्सर दिल वाले रो देते हैं
हम भी लिए फिरते हैं दिल में दर्द किसी शहनाई का
तुम हो 'कलीम' अजब दीवाने बात अनोखी करते हो
चाह का भी अरमान है दिल में ख़ौफ़ भी है रुस्वाई का
raat kī zulfeñ bhīgī bhīgī aur aalam tanhā.ī kā
kitne dard jagā detā hai ik jhoñkā purvā.ī kā
uḌte lamhoñ ke dāman meñ terī yaad kī ḳhushbū hai
pichhlī raat kā chāñd hai yā hai aks tirī añgḌā.ī kā
kab se na jaane galiyoñ galiyoñ saa.e kī sūrat phirte haiñ
kis se dil kī baat kareñ ham shahr hai us har jaa.ī kā
ishq hamārī barbādī ko dil se duā.eñ detā hai
ham se pahle itnā raushan naam na thā rusvā.ī kā
sher hamāre sun kar aksar dil vaale ro dete haiñ
ham bhī liye phirte haiñ dil meñ dard kisī shahnā.ī kā
tum ho 'kalīm' ajab dīvāne baat anokhī karte ho
chaah kā bhī armān hai dil meñ ḳhauf bhī hai rusvā.ī kā
رات کی زلفیں بھیگی بھیگی اور عالم تنہائی کا
کتنے درد جگا دیتا ہے اک جھونکا پروائی کا
اڑتے لمحوں کے دامن میں تیری یاد کی خوشبو ہے
پچھلی رات کا چاند ہے یا ہے عکس تری انگڑائی کا
کب سے نہ جانے گلیوں گلیوں سائے کی صورت پھرتے ہیں
کس سے دل کی بات کریں ہم شہر ہے اس ہر جائی کا
عشق ہماری بربادی کو دل سے دعائیں دیتا ہے
ہم سے پہلے اتنا روشن نام نہ تھا رسوائی کا
شعر ہمارے سن کر اکثر دل والے رو دیتے ہیں
ہم بھی لئے پھرتے ہیں دل میں درد کسی شہنائی کا
تم ہو کلیمؔ عجب دیوانے بات انوکھی کرتے ہو
چاہ کا بھی ارمان ہے دل میں خوف بھی ہے رسوائی کا