क़फ़स से छूटने की कब हवस है
तसव्वुर भी चमन का हम को बस है
बजाए रख़्ना-ए-दीवार-ए-गुलशन
हमें सय्याद अब चाक-ए-क़फ़स है
फ़ुग़ाँ करता ही रहता है ये दिन रात
इलाही दिल है मेरा या जरस है
कटेंगे उम्र के दिन कब के बे-यार
मुझे इक इक घड़ी सौ सौ बरस है
हमारी दाद के तईं कौन पहुँचे
न कुइ मूनिस न कुइ फ़रियाद-रस है
गली में यार की हो जाइए ख़ाक
मिरे दिल में ये मुद्दत से हवस है
सफ़र दुनिया से करना क्या है 'ताबाँ'
अदम हस्ती से राह-ए-यक-नफ़स है
qafas se chhūTne kī kab havas hai
tasavvur bhī chaman kā ham ko bas hai
bajā.e raḳhna-e-dīvār-e-gulshan
hameñ sayyād ab chāk-e-qafas hai
fuġhāñ kartā hī rahtā hai ye din raat
ilāhī dil hai merā yā jaras hai
kaTeñge umr ke din kab ke be-yār
mujhe ik ik ghaḌī sau sau baras hai
hamārī daad ke ta.iiñ kaun pahuñche
na kui mūnis na kui fariyād-ras hai
galī meñ yaar kī ho jā.iye ḳhaak
mire dil meñ ye muddat se havas hai
safar duniyā se karnā kyā hai 'tābāñ'
adam hastī se rāh-e-yak-nafas hai
قفس سے چھوٹنے کی کب ہوس ہے
تصور بھی چمن کا ہم کو بس ہے
بجائے رخنۂ دیوار گلشن
ہمیں صیاد اب چاک قفس ہے
فغاں کرتا ہی رہتا ہے یہ دن رات
الٰہی دل ہے میرا یا جرس ہے
کٹیں گے عمر کے دن کب کے بے یار
مجھے اک اک گھڑی سو سو برس ہے
ہماری داد کے تئیں کون پہنچے
نہ کوئی مونس نہ کوئی فریاد رس ہے
گلی میں یار کی ہو جائیے خاک
مرے دل میں یہ مدت سے ہوس ہے
سفر دنیا سے کرنا کیا ہے تاباںؔ
عدم ہستی سے راہ یک نفس ہے