क़दमों से इतना दूर किनारा कभी न था
ना-क़ाबिल-ए-उबूर ये दरिया कभी न था
तुम सा हसीं इन आँखों ने देखा कभी न था
लेकिन ये सच नहीं कोई तुम सा कभी न था
है ज़िक्र-ए-यार क्यूँ शब-ए-ज़िंदाँ से दूर दूर
ऐ हम-नशीं ये तर्ज़ ग़ज़ल का कभी न था
कमरे में दिल के उस के अलावा कोई नहीं
हैरान हूँ कि ऐसा अँधेरा कभी न था
किस ने बिसात-ए-बहस के मोहरे बदल दिए
तन्हा तो था वो पहले भी गूँगा कभी न था
इमरोज़-ए-इंतिज़ार का फ़र्दा तो कल भी है
अंदोह-ए-इमशबी का सवेरा कभी न था
हर ज़ेहन में हमेशा सुलगता है ये सवाल
आख़िर हुआ वो क्यूँ जिसे होना कभी न था
दीवाना था भटक गया गुम हो गया है क़ैस
ख़ाली मगर कजावा-ए-लैला कभी न था
कल भी इसी दयार में था रौशनी का क़हत
ऐसा मगर चराग़ का धंदा कभी न था
पिघली कुछ और बर्फ़ तो इक और शहर-ए-ख़्वाब
यूँ बह गया नशेब में गोया कभी न था
बरसा है किस बबूल पे अब्र-ए-बहार-ख़ेज़
इतना हरा तो ज़ख़्म-ए-तमन्ना कभी न था
उस ने भी इल्तिफ़ात से देखा था कब 'ख़लिश'
मैं ने भी उस के बारे में सोचा कभी न था
qadmoñ se itnā duur kināra kabhī na thā
nā-qābil-e-ubūr ye dariyā kabhī na thā
tum sā hasīñ in āñkhoñ ne dekhā kabhī na thā
lekin ye sach nahīñ koī tum sā kabhī na thā
hai zikr-e-yār kyuuñ shab-e-zindāñ se duur duur
ai ham-nashīñ ye tarz ġhazal kā kabhī na thā
kamre meñ dil ke us ke alāva koī nahīñ
hairān huuñ ki aisā añdherā kabhī na thā
kis ne bisāt-e-bahs ke mohre badal diye
tanhā to thā vo pahle bhī gūñgā kabhī na thā
imroz-e-intizār kā fardā to kal bhī hai
andoh-e-imshabī kā saverā kabhī na thā
har zehn meñ hamesha sulagtā hai ye savāl
āḳhir huā vo kyuuñ jise honā kabhī na thā
dīvāna thā bhaTak gayā gum ho gayā hai qais
ḳhālī magar kajāva-e-lailā kabhī na thā
kal bhī isī dayār meñ thā raushnī kā qaht
aisā magar charāġh kā dhandā kabhī na thā
pighlī kuchh aur barf to ik aur shahr-e-ḳhvāb
yuuñ bah gayā nasheb meñ goyā kabhī na thā
barsā hai kis babūl pe abr-e-bahār-ḳhez
itnā harā to zaḳhm-e-tamannā kabhī na thā
us ne bhī iltifāt se dekhā thā kab 'ḳhalish'
maiñ ne bhī us ke baare meñ sochā kabhī na thā
قدموں سے اتنا دور کنارہ کبھی نہ تھا
نا قابل عبور یہ دریا کبھی نہ تھا
تم سا حسیں ان آنکھوں نے دیکھا کبھی نہ تھا
لیکن یہ سچ نہیں کوئی تم سا کبھی نہ تھا
ہے ذکر یار کیوں شب زنداں سے دور دور
اے ہم نشیں یہ طرز غزل کا کبھی نہ تھا
کمرے میں دل کے اس کے علاوہ کوئی نہیں
حیران ہوں کہ ایسا اندھیرا کبھی نہ تھا
کس نے بساط بحث کے مہرے بدل دیئے
تنہا تو تھا وہ پہلے بھی گونگا کبھی نہ تھا
امروز انتظار کا فردا تو کل بھی ہے
اندوہ امشبی کا سویرا کبھی نہ تھا
ہر ذہن میں ہمیشہ سلگتا ہے یہ سوال
آخر ہوا وہ کیوں جسے ہونا کبھی نہ تھا
دیوانہ تھا بھٹک گیا گم ہو گیا ہے قیس
خالی مگر کجاوۂ لیلیٰ کبھی نہ تھا
کل بھی اسی دیار میں تھا روشنی کا قحط
ایسا مگر چراغ کا دھندا کبھی نہ تھا
پگھلی کچھ اور برف تو اک اور شہر خواب
یوں بہہ گیا نشیب میں گویا کبھی نہ تھا
برسا ہے کس ببول پہ ابر بہار خیز
اتنا ہرا تو زخم تمنا کبھی نہ تھا
اس نے بھی التفات سے دیکھا تھا کب خلشؔ
میں نے بھی اس کے بارے میں سوچا کبھی نہ تھا