गौरय्यों ने जश्न मनाया मेरे आँगन बारिश का
बैठे बैठे आ गई नींद इसरार था ये किसी ख़्वाहिश का
चंद किताबें थोड़े सपने इक कमरे में रहते हैं
मैं भी यहाँ गुंजाइश भर हूँ किस को ख़याल आराइश का
ठहर ठहर कर कौंद रही थी बिजली बाहर जंगल में
ट्रेन रुकी तो सरपट हो गया घोड़ा वक़्त की ताज़िश का
टीस पुराने ज़ख़्मों की थी नींद उचट गई आँखों से
भीग रहा था करवट करवट गोशा गोशा बालिश का
किसी के दिल पर दस्तक दूँगा किसी के ग़म का दुखड़ा हूँ
सुनने वाले समझ रहे हैं नग़्मा हूँ फ़रमाइश का
सर के ऊपर ख़ाक उड़ी तो सब दिल थाम के बैठ गए
ख़बर नहीं थी गुज़र चुका है मौसम अब्र-ए-नवाज़िश का
रेंग रही थीं अमर-लताएँ छुप छुप कर शादाबी में
उर्यां होती शाख़ों से अब भरम खुला ज़ेबाइश का
अपनी ही धुन में मगन रहता है सच्चे सुर का साज़िंदा
जैसे कि मैं हूँ मतवाला ख़ुद अपने तर्ज़-ए-निगारिश का
क़दम क़दम है वीराना कहीं और 'ख़लिश' अब क्या जाना
वर्ना शौक़ मुझे भी कल था सहरा की पैमाइश का
gaurayyoñ ne jashn manāyā mere āñgan bārish kā
baiThe baiThe aa ga.ī niiñd isrār thā ye kisī ḳhvāhish kā
chand kitābeñ thoḌe sapne ik kamre meñ rahte haiñ
maiñ bhī yahāñ gunjā.ish bhar huuñ kis ko ḳhayāl ārā.ish kā
Thahar Thahar kar kauñd rahī thī bijlī bāhar jañgal meñ
train rukī to sarpaT ho gayā ghoḌā vaqt kī tāzish kā
Tiis purāne zaḳhmoñ kī thī niiñd uchaT ga.ī āñkhoñ se
bhiig rahā thā karvaT karvaT gosha gosha bālish kā
kisī ke dil par dastak dūñgā kisī ke ġham kā dukhḌā huuñ
sunñe vaale samajh rahe haiñ naġhma huuñ farmā.ish kā
sar ke uupar ḳhaak uḌī to sab dil thaam ke baiTh ga.e
ḳhabar nahīñ thī guzar chukā hai mausam abr-e-navāzish kā
reñg rahī thiiñ amar-latā.eñ chhup chhup kar shādābī meñ
uryāñ hotī shāḳhoñ se ab bharam khulā zebā.ish kā
apnī hī dhun meñ magan rahtā hai sachche sur kā sāzinda
jaise ki maiñ huuñ matvālā ḳhud apne tarz-e-nigārish kā
qadam qadam hai vīrāna kahīñ aur 'ḳhalish' ab kyā jaanā
varna shauq mujhe bhī kal thā sahrā kī paimā.ish kā
گوریوں نے جشن منایا میرے آنگن بارش کا
بیٹھے بیٹھے آ گئی نیند اصرار تھا یہ کسی خواہش کا
چند کتابیں تھوڑے سپنے اک کمرے میں رہتے ہیں
میں بھی یہاں گنجائش بھر ہوں کس کو خیال آرائش کا
ٹھہر ٹھہر کر کوند رہی تھی بجلی باہر جنگل میں
ٹرین رکی تو سرپٹ ہو گیا گھوڑا وقت کی تازش کا
ٹیس پرانے زخموں کی تھی نیند اچٹ گئی آنکھوں سے
بھیگ رہا تھا کروٹ کروٹ گوشہ گوشہ بالش کا
کسی کے دل پر دستک دوں گا کسی کے غم کا دکھڑا ہوں
سننے والے سمجھ رہے ہیں نغمہ ہوں فرمائش کا
سر کے اوپر خاک اڑی تو سب دل تھام کے بیٹھ گئے
خبر نہیں تھی گزر چکا ہے موسم ابر نوازش کا
رینگ رہی تھیں امر لتائیں چھپ چھپ کر شادابی میں
عریاں ہوتی شاخوں سے اب بھرم کھلا زیبائش کا
اپنی ہی دھن میں مگن رہتا ہے سچے سر کا سازندہ
جیسے کہ میں ہوں متوالا خود اپنے طرز نگارش کا
قدم قدم ہے ویرانہ کہیں اور خلشؔ اب کیا جانا
ورنہ شوق مجھے بھی کل تھا صحرا کی پیمائش کا