निशान-ए-ज़ख़्म पे निश्तर-ज़नी जो होने लगी
लहू में ज़ुल्मत-ए-शब उँगलियाँ भिगोने लगी
हुआ वो जश्न कि नेज़े बुलंद होने लगे
नियाम तेग़ की ख़ंजर के साथ सोने लगी
जहाँ में दौड़ के पहुँचा था वो घनेरी छाँव
ज़रा सी देर में ज़ार-ओ-क़तार रोने लगी
नदी डुबाऊ न थी डूबना पड़ा लेकिन
किनारे पहुँचा तो शर्मिंदगी डुबोने लगी
सब अपनी प्यास बुझाने में महव थे हमा-तन
हुआ ये फिर कि हवा शो'ला-ख़ेज़ होने लगी
बढ़ाए हाथ मदद को दराज़ दस्तों ने
तो अपना बोझ वो च्यूँटी की तरह ढोने लगी
कुछ और सुर्ख़-रू हो कर उठे वो मक़्तल से
घटा भी उट्ठी तो दामन के दाग़ धोने लगी
वो पीर-ज़न जिसे काँटे निकालने थे 'ख़लिश'
वो साहिरा की तरह सूइयाँ चुभोने लगी
nishān-e-zaḳhm pe nishtar-zanī jo hone lagī
lahū meñ zulmat-e-shab uñgliyāñ bhigone lagī
huā vo jashn ki neze buland hone lage
niyām teġh kī ḳhanjar ke saath sone lagī
jahāñ meñ dauḌ ke pahuñchā thā vo ghanerī chhāñv
zarā sī der meñ zār-o-qatār rone lagī
nadī Dubā.ū na thī Dūbnā paḌā lekin
kināre pahuñchā to sharmindagī Dubone lagī
sab apnī pyaas bujhāne meñ mahv the hama-tan
huā ye phir ki havā sho.ala-ḳhez hone lagī
baḌhā.e haath madad ko darāz dastoñ ne
to apnā bojh vo chyūñTī kī tarah Dhone lagī
kuchh aur surḳh-rū ho kar uThe vo maqtal se
ghaTā bhī uTThī to dāman ke daaġh dhone lagī
vo pīr-zan jise kāñTe nikālne the 'ḳhalish'
vo sāhira kī tarah sūiyāñ chubhone lagī
نشان زخم پہ نشتر زنی جو ہونے لگی
لہو میں ظلمت شب انگلیاں بھگونے لگی
ہوا وہ جشن کہ نیزے بلند ہونے لگے
نیام تیغ کی خنجر کے ساتھ سونے لگی
جہاں میں دوڑ کے پہنچا تھا وہ گھنیری چھاؤں
ذرا سی دیر میں زار و قطار رونے لگی
ندی ڈباؤ نہ تھی ڈوبنا پڑا لیکن
کنارے پہنچا تو شرمندگی ڈبونے لگی
سب اپنی پیاس بجھانے میں محو تھے ہمہ تن
ہوا یہ پھر کہ ہوا شعلہ خیز ہونے لگی
بڑھائے ہاتھ مدد کو دراز دستوں نے
تو اپنا بوجھ وہ چیونٹی کی طرح ڈھونے لگی
کچھ اور سرخ رو ہو کر اٹھے وہ مقتل سے
گھٹا بھی اٹھی تو دامن کے داغ دھونے لگی
وہ پیرزن جسے کانٹے نکالنے تھے خلشؔ
وہ ساحرہ کی طرح سوئیاں چبھونے لگی