कहीं सुब्ह-ओ-शाम के दरमियाँ कहीं माह-ओ-साल के दरमियाँ
ये मिरे वजूद की सल्तनत है अजब ज़वाल के दरमियाँ
अभी सेहन-ए-जाँ में बिछी हुई जो बहार है उसे क्या कहूँ
मैं किसी इ'ताब की ज़द में हूँ तू किसी मलाल के दरमियाँ
हैं किसी इशारे के मुंतज़िर कई शहसवार खड़े हुए
कि हो गर्म फिर कोई मा'रका मिरे ज़ब्त-ए-हाल के दरमियाँ
नहीं तर्जुमान-ए-बयाँ कोई जो है पर्दा-दार-ए-सुकूत है
हैं ये दाग़ दाग़ इबारतें बड़े एहतिमाल के दरमियाँ
यहाँ ज़र्रा ज़र्रा है दीदा-वर नहीं ज़र्रा भर कोई बे-ख़बर
किसी कम-नज़र को पड़ी है क्या पड़े क्यूँ सवाल के दरमियाँ
न रहा धुआँ न है कोई बू लो अब आ गए वो सुराग़-जू
है हर इक निगाह गुरेज़-ख़ू पस-ए-इश्तिआ'ल के दरमियाँ
थे जो पर-कुशा हैं ज़ुबूँ ज़ुबूँ थे जो सर-ब-कफ़ हुए सर-निगूँ
कहीं खो गए दरूँ दरूँ ये किस इन्द्र-जाल के दरमियाँ
लगी ज़र्ब ऐसी है बर-महल कि ये मरहला भी है जाँ-गुसिल
हुए ज़ख़्म फिर से लहू लहू थे जो इंदिमाल के दरमियाँ
कभी शिकवा-ज़न कभी नुक्ता-चीं कभी बाग़ियों का हिमायती
ये 'ख़लिश' है कौन कहो उसे रहे ए'तिदाल के दरमियाँ
kahīñ sub.h-o-shām ke darmiyāñ kahīñ māh-o-sāl ke darmiyāñ
ye mire vajūd kī saltanat hai ajab zavāl ke darmiyāñ
abhī sehn-e-jāñ meñ bichhī huī jo bahār hai use kyā kahūñ
maiñ kisī itaab kī zad meñ huuñ tū kisī malāl ke darmiyāñ
haiñ kisī ishāre ke muntazir ka.ī shahsavār khaḌe hue
ki ho garm phir koī ma.arka mire zabt-e-hāl ke darmiyāñ
nahīñ tarjumān-e-bayāñ koī jo hai parda-dār-e-sukūt hai
haiñ ye daaġh daaġh ibārateñ baḌe ehtimāl ke darmiyāñ
yahāñ zarra zarra hai dīda-var nahīñ zarra bhar koī be-ḳhabar
kisī kam-nazar ko paḌī hai kyā paḌe kyuuñ savāl ke darmiyāñ
na rahā dhuāñ na hai koī bū lo ab aa ga.e vo surāġh-jū
hai har ik nigāh gurez-ḳhū pas-e-ishti.āl ke darmiyāñ
the jo par-kushā haiñ zubūñ zubūñ the jo sar-ba-kaf hue sar-nigūñ
kahīñ kho ga.e darūñ darūñ ye kis indr-jāl ke darmiyāñ
lagī zarb aisī hai bar-mahal ki ye marhala bhī hai jāñ-gusil
hue zaḳhm phir se lahū lahū the jo indimāl ke darmiyāñ
kabhī shikva-zan kabhī nukta-chīñ kabhī bāġhiyoñ kā himāyatī
ye 'ḳhalish' hai kaun kaho use rahe e'tidāl ke darmiyāñ
کہیں صبح و شام کے درمیاں کہیں ماہ و سال کے درمیاں
یہ مرے وجود کی سلطنت ہے عجب زوال کے درمیاں
ابھی صحن جاں میں بچھی ہوئی جو بہار ہے اسے کیا کہوں
میں کسی عتاب کی زد میں ہوں تو کسی ملال کے درمیاں
ہیں کسی اشارے کے منتظر کئی شہسوار کھڑے ہوئے
کہ ہو گرم پھر کوئی معرکہ مرے ضبط حال کے درمیاں
نہیں ترجمان بیاں کوئی جو ہے پردہ دار سکوت ہے
ہیں یہ داغ داغ عبارتیں بڑے احتمال کے درمیاں
یہاں ذرہ ذرہ ہے دیدہ ور نہیں ذرہ بھر کوئی بے خبر
کسی کم نظر کو پڑی ہے کیا پڑے کیوں سوال کے درمیاں
نہ رہا دھواں نہ ہے کوئی بو لو اب آ گئے وہ سراغ جو
ہے ہر اک نگاہ گریز خو پس اشتعال کے درمیاں
تھے جو پر کشا ہیں زبوں زبوں تھے جو سر بکف ہوئے سرنگوں
کہیں کھو گئے دروں دروں یہ کس اندر جال کے درمیاں
لگی ضرب ایسی ہے بر محل کہ یہ مرحلہ بھی ہے جاں گسل
ہوئے زخم پھر سے لہو لہو تھے جو اندمال کے درمیاں
کبھی شکوہ زن کبھی نکتہ چیں کبھی باغیوں کا حمایتی
یہ خلشؔ ہے کون کہو اسے رہے اعتدال کے درمیاں