फिर वही क़त्ल-ए-मोहब्बत-ज़दगाँ है कि जो था
रसन-ओ-दार का 'आलम में समाँ है कि जो था
उन के हाथों में वही तेग़-ए-सितम है कि जो थी
दहर मातम-कदा-ए-बे-गुनहाँ है कि जो था
चश्म-ए-पुर-ख़ून-ए-वफ़ा लाला-निशाँ है कि जो थी
क़िस्मत-ए-बुल-हवसाँ ऐश-ए-जहाँ है कि जो था
हैरत-ए-अहल-ए-नज़र अहल-ए-हुनर है कि जो थी
शोहरा-ए-कम-नज़राँ बे-हुनराँ है कि जो था
रस्म-ए-आराइश-ए-ऐवान-ए-तरब है कि जो थी
सर-ए-फ़रहाद ये वो कोह-ए-गिराँ है कि जो था
ये शजर हैं कि सलीबें सी गड़ी हैं हर सू
मंज़िल-ए-'इश्क़ वही संग-ए-निशाँ है कि जो था
दफ़्तर-ए-लाला-ओ-गुल है न वो दीवान-ए-बहार
ज़ीनत-ए-लौह-ए-चमन हर्फ़-ए-ख़िज़ाँ है कि जो था
ज़ेर-ए-हर-शाख़ शब-ओ-रोज़ क़फ़स ढलते हैं
आलम-ए-नौहा-गराँ बस्ता-पराँ है कि जो था
दौलत-ए-अहल-ए-तलब ख़ार-ए-सितम हैं कि जो थे
चार सू ग़ल्ग़ला-ए-गुल-बदनाँ है कि जो था
साया-ए-मुर्ग़-ए-परीदा है कि ये अब्र-ए-बहार
गिला-ए-मर्हमत-ए-आह-ए-तपाँ है कि जो था
है वही आज भी रंग-ओ-रविश-ए-रूद-ए-फ़रात
हर नफ़स मातमी-ए-तिश्ना-लबाँ है कि जो था
आज भी 'अर्ज़-ए-वफ़ा उन पे गिराँ है कि जो थी
आज भी हौसला-ए-शरह-ओ-बयाँ है कि जो था
न वफ़ाओं पे नज़र है न जफ़ाओं का मलाल
दिल में वो दर्द वो एहसास कहाँ है कि जो था
सौलत-ओ-सतवत-ए-अर्बाब-ए-हमम मिट के रही
लुट के भी हुस्न-ए-बुताँ हुस्न-ए-बुताँ है कि जो था
है तिरी याद नशात-ए-शब-ए-हिज्राँ कि जो थी
हाँ तिरा दर्द क़रार-ए-दिल-ओ-जाँ है कि जो था
जल्वा-ए-यार से महरूम है ग़म-ख़ाना-ए-दिल
ये वही तीरा-ओ-तारीक मकाँ है कि जो था
वक़्त के साथ बदलता नहीं जाफ़र-'ताहिर'
ये वही सोख़्ता-दिल सोख़्ता-जाँ है कि जो था
phir vahī qatl-e-mohabbat-zadagāñ hai ki jo thā
rasan-o-dār kā 'ālam meñ samāñ hai ki jo thā
un ke hāthoñ meñ vahī teġh-e-sitam hai ki jo thī
dahr mātam-kada-e-be-gunahāñ hai ki jo thā
chashm-e-pur-ḳhūn-e-vafā lāla-nishāñ hai ki jo thī
qismat-e-bul-havasāñ aish-e-jahāñ hai ki jo thā
hairat-e-ahl-e-nazar ahl-e-hunar hai ki jo thī
shohra-e-kam-nazrāñ be-hunrāñ hai ki jo thā
rasm-e-ārā.ish-e-aivān-e-tarab hai ki jo thī
sar-e-farhād ye vo koh-e-girāñ hai ki jo thā
ye shajar haiñ ki salībeñ sī gaḌī haiñ har sū
manzil-e-'ishq vahī sañg-e-nishāñ hai ki jo thā
daftar-e-lāla-o-gul hai na vo dīvān-e-bahār
zīnat-e-lauh-e-chaman harf-e-ḳhizāñ hai ki jo thā
zer-e-har-shāḳh shab-o-roz qafas Dhalte haiñ
ālam-e-nauha-garāñ basta-parāñ hai ki jo thā
daulat-e-ahl-e-talab ḳhār-e-sitam haiñ ki jo the
chaar sū ġhalġhala-e-gul-badanāñ hai ki jo thā
sāya-e-murġh-e-parīda hai ki ye abr-e-bahār
gila-e-marhamat-e-āh-e-tapāñ hai ki jo thā
hai vahī aaj bhī rañg-o-ravish-e-rūd-e-farāt
har nafas mātamī-e-tishna-labāñ hai ki jo thā
aaj bhī 'arz-e-vafā un pe girāñ hai ki jo thī
aaj bhī hausla-e-sharh-o-bayāñ hai ki jo thā
na vafāoñ pe nazar hai na jafāoñ kā malāl
dil meñ vo dard vo ehsās kahāñ hai ki jo thā
saulat-o-satvat-e-arbāb-e-hamam miT ke rahī
luT ke bhī husn-e-butāñ husn-e-butāñ hai ki jo thā
hai tirī yaad nashāt-e-shab-e-hijrāñ ki jo thī
haañ tirā dard qarār-e-dil-o-jāñ hai ki jo thā
jalva-e-yār se mahrūm hai ġham-ḳhāna-e-dil
ye vahī tīra-o-tārīk makāñ hai ki jo thā
vaqt ke saath badaltā nahīñ jāfar-'tāhir'
ye vahī soḳhta-dil soḳhta-jāñ hai ki jo thā
پھر وہی قتل محبت زدگاں ہے کہ جو تھا
رسن و دار کا عالم میں سماں ہے کہ جو تھا
ان کے ہاتھوں میں وہی تیغ ستم ہے کہ جو تھی
دہر ماتم کدۂ بے گنہاں ہے کہ جو تھا
چشم پر خون وفا لالہ نشاں ہے کہ جو تھی
قسمت بو الہوساں عیش جہاں ہے کہ جو تھا
حیرت اہل نظر اہل ہنر ہے کہ جو تھی
شہرۂ کم نظراں بے ہنراں ہے کہ جو تھا
رسم آرائش ایوان طرب ہے کہ جو تھی
سر فرہاد یہ وہ کوہ گراں ہے کہ جو تھا
یہ شجر ہیں کہ صلیبیں سی گڑی ہیں ہر سو
منزل عشق وہی سنگ نشاں ہے کہ جو تھا
دفتر لالہ و گل ہے نہ وہ دیوان بہار
زینت لوح چمن حرف خزاں ہے کہ جو تھا
زیر ہرشاخ شب و روز قفس ڈھلتے ہیں
عالم نوحہ گراں بستہ پراں ہے کہ جو تھا
دولت اہل طلب خار ستم ہیں کہ جو تھے
چار سو غلغلۂ گل بدناں ہے کہ جو تھا
سایۂ مرغ پریدہ ہے کہ یہ ابر بہار
گلۂ مرحمت آہ طپاں ہے کہ جو تھا
ہے وہی آج بھی رنگ و روش رود فرات
ہر نفس ماتمیٔ تشنہ لباں ہے کہ جو تھا
آج بھی عرض وفا ان پہ گراں ہے کہ جو تھی
آج بھی حوصلۂ شرح و بیاں ہے کہ جو تھا
نہ وفاؤں پہ نظر ہے نہ جفاؤں کا ملال
دل میں وہ درد وہ احساس کہاں ہے کہ جو تھا
صولت و سطوت ارباب ہمم مٹ کے رہی
لٹ کے بھی حسن بتاں حسن بتاں ہے کہ جو تھا
ہے تری یاد نشاط شب ہجراں کہ جو تھی
ہاں ترا درد قرار دل و جاں ہے کہ جو تھا
جلوۂ یار سے محروم ہے غم خانۂ دل
یہ وہی تیرہ و تاریک مکاں ہے کہ جو تھا
وقت کے ساتھ بدلتا نہیں جعفر طاہرؔ
یہ وہی سوختہ دل سوختہ جاں ہے کہ جو تھا