पहले अतलस में जो मल्बूस किए जाते हैं
फिर वो ऐवानों में महबूस किए जाते हैं
मैं उन्हें हीता-ए-तहरीर में लाऊँ कैसे
दर्द लिक्खे नहीं महसूस किए जाते हैं
बाल-ओ-पर काट के दें इज़्न-ए-रिहाई क्यूँ-कर
उन परिंदों को जो मानूस किए जाते हैं
इतनी आसान नहीं होती है ये राह-ए-सुख़न
पार इस में कई क़ामूस किए जाते हैं
इन पे तो आप ही झुक जाती है रब की रहमत
जो भी इस दुनिया से मायूस किए जाते हैं
क्यों न हों ज़ेर-ओ-ज़बर तख़्त-ए-'मसर्रत' उन के
रक़्स जब साया-ए-ताऊस किए जाते हैं
pahle atlas meñ jo malbūs kiye jaate haiñ
phir vo aivānoñ meñ mahbūs kiye jaate haiñ
maiñ unheñ hīta-e-tahrīr meñ lā.ūñ kaise
dard likkhe nahīñ mahsūs kiye jaate haiñ
bāl-o-par kaaT ke deñ izn-e-rihā.ī kyūñ-kar
un parindoñ ko jo mānūs kiye jaate haiñ
itnī āsān nahīñ hotī hai ye rāh-e-suḳhan
paar is meñ ka.ī qāmūs kiye jaate haiñ
in pe to aap hī jhuk jaatī hai rab kī rahmat
jo bhī is duniyā se māyūs kiye jaate haiñ
kyoñ na hoñ zer-o-zabar taḳht-e-'masarrat' un ke
raqs jab sāya-e-tā.ūs kiye jaate haiñ
پہلے اطلس میں جو ملبوس کیے جاتے ہیں
پھر وہ ایوانوں میں محبوس کیے جاتے ہیں
میں انہیں حیطۂ تحریر میں لاؤں کیسے
درد لکھے نہیں محسوس کیے جاتے ہیں
بال و پر کاٹ کے دیں اذن رہائی کیوں کر
ان پرندوں کو جو مانوس کیے جاتے ہیں
اتنی آسان نہیں ہوتی ہے یہ راہ سخن
پار اس میں کئی قاموس کیے جاتے ہیں
ان پہ تو آپ ہی جھک جاتی ہے رب کی رحمت
جو بھی اس دنیا سے مایوس کیے جاتے ہیں
کیوں نہ ہوں زیر و زبر تخت مسرتؔ ان کے
رقص جب سایۂ طاؤس کیے جاتے ہیں